之前成日講干邑 (Cognac) 品牌，閒閒地都百年歷史，唔會受一時嘅潮流影響，識飲嘅人就自然會鐘意干邑。軒尼詩有二百幾年歷史，貴為干邑龍頭，好飲家趨之若鶩，今次嚟香港開班，我地終於有機會跟大師學嘢，探索一吓法式藝術風味。

喺官方網站有個「干邑知識測試」，一定要玩，頭300個玩完嘅人可以報名成為全球第一屆軒尼詩學院嘅學生，http://www.hennessyacademy.hk，我唔敢講自己係干邑專家，個test我就做錯咗最尾嗰條，呢個測試已經算好淺，如果大多都唔識的話，無錯，軒尼詩學院等住你。

軒尼詩學院（Hennessy Academy），5月10號至15號會舉行為期6日嘅大師講堂，第8代調配大師暨軒尼詩品鑒委員會成員Renaud de gironde同全球品牌大使Jean-Michel Cochet將抵港親自主持、執教。課程總共有6大種類 : 甄選藝術、陳化藝術、X.O感官之旅、X.O與朱古力邂逅、調酒藝術、中菜共聚，由揀選生命之水，到陳釀、品鑑、調酒、配襯食物，非常全面，每個課程嘅價錢都不盡相同，記得留意。

我自己對X.O.與朱古力比較有興，肥仔鐘意食甜嘢是常識吧，呢個課程會有甜品達人兼名模Amanda S. 介紹朱古力同製作嘅知識，另外仲有香港文華東方酒店－文華餅店、Ms. B CAKERY、香港半島酒店、Pierre Hermé、Thomas Trillion精選朱古力蛋糕、鋒味曲奇同軒尼詩X.O做配對！！！！Amanda S.、著名酒評人劉偉民會帶領大家品鑒軒尼詩X.O、與各款朱古力配搭，細味配搭在味蕾上嘅化學作用。

http://www.hennessyacademy.hk
時間 : 5月10 – 15 日
報名方法 :

1. 去 http://www.hennessyacademy.hk 揀課程
2. 填妥個人資料、聯絡方式
3. 軒尼詩會以電郵、電話聯絡確認
4. 俾錢之後收到 Confirmation 就可以正式上堂