每個人口味都唔同，酒評家覺得好飲，唔代表自己啱飲，好似手工啤酒咁，而家威士忌都有自家釀製 Workshop，俾你體驗做釀酒大師嘅奇妙經歷。Blended Whisky，即係好似 Johnnie Walker 嘅作品都係周圍搵唔同嘅威士忌原液溝埋，最後溝返一樣、或特別嘅風味出嚟 (係咪好勁?) 上完呢個 Workshop 包你有更深刻嘅體會。

專業級混釀大師齋靠聞香已經知隻酒咩味，但呢個初心者工作坊唔會咁harsh嘅，品酒 4 大重點 : 色澤、聞香、品飲、餘韻，全部俾你做齊，俾你了解哂幾隻威士忌嘅味道先會開始溝。

現場將會有 5 款風格迴異，又非常具代表性嘅威士忌，基酒、雪莉桶、波本桶、新木、泥煤，利用呢 5 隻酒，你最後可以溝出一杯 50 ml 嘅個人化手製威士忌。

玩呢個威士忌 Workshop，只要喺中環The First Floor 晚市時段 (1830-2200)，堂食滿 $800 就可以免費玩一次，所以都算係免費體驗，但如果想玩第2、3、4次，就每次計 $280，亦唔算好貴，仲要 The First Floor 嘅食物水準一向好高，亦好易好食過 $800，唔駛擔心要 order extra food。Workshop 限期去到 7 月 31 號，過開中環食飯，都可以上去玩吓。