一睇到呢個Idea，我就諗係咪可以同uber之類嘅App配合，可以即叫即到，又可以設定路線同價錢，你話幾爽皮呢! 咁有型嘅Cocktail Bar Trailer真名叫「Apollo 70」，而佢前身亦真係一架拖車。

Apollo 70內籠完全標準酒吧配置，雖然空間比較細，但佢其實都可以做埋小型餐廳，供應酒水之外，佢仲有Belgian Chocolate同其他美式小食。Cyber感咁強嘅裝潢唔係虛有其表架，音響喇叭，衛星電視一應俱全，開Party或者睇波飲嘢不是問題。

而家呢架Apollo 70係可供出租嘅，Package 入面你仲可以揀埋多國啤酒、香檳、葡萄酒或烈酒，不過至關鍵嘅調酒師就要自己做啦。唔緊要，MenClub教咗大家整咁多Cocktail，就算親自上陣溝杯酒俾朋友飲，都一定唔會失禮嘅，係咪先?

創辧人話Apollo 70嘅概念其實係一隻Land Yacht，香港有唔少有錢人船P啦，如果佢真係進軍香港，相信到時本港實有新鮮玩意—有錢人車河。