潛水錶嚟講，精工Diver系列一向係平民 (我) 嘅首選，有啲人買完隻潛水撈，都係用以show off，沾水? No way! 所以我一直認為，真係代表平民潛水嘅，係 Seiko Diver。今次呢隻Seiko新品 Prospex Diver Scuba 太陽能限量版，設計上參考咗LOWERCASE創意總監梶原由景嘅意見，拎1975年首隻吞拿TUNA Watch做靈感，完全係有姿勢兼有實際。

Prospex 系列潛水錶嘅防撞擊包覆式錶殼加上單向式旋轉錶圈、強化玻璃錶鏡、旋入式錶背同錶冠，確保Prospex Diver Scuba喺水中仍能保持正常操作。潛水深度達200米，錶盤上嘅時標有Seiko專利嘅Lumibrite夜光塗料，即使去到缺乏光源嘅水底仍然唔影響其可讀性。

另一重點為Prospex Diver Scuba嘅太陽能機芯，利用太陽光等任何可見光源都可以為腕錶充電，充滿之後電量更可以維持10個月嘅運作時間，無論係日常、潛水活動都完全唔駛擔心電量問題。

你可能會話Seiko 50周年咪出咗隻Prospex Marinemaster囉，仲可以潛成千米喎，但大家不要忘記，上述呢隻講緊賣 HK$26,000，而Hi-beat 36000嗰隻直頭貼近5萬；相比之下，呢款全球限量3,000隻嘅Seiko Prospex Diver Scuba太陽能限量版，但零售價都係做緊由HK$3480至 HK$4,280，甚至比 Prospex 200米系列更平，係咪夠平民先?