獨行俠—Citroën C4 Catcus

文：MenClub John Chan　　圖：MenClub
POSTED ON 16 Jan 2017

雪鐵龍（Citroën）C4 Catcus試車報告嚟得比較遲，呢部車喺香港推出已經至少有半年，品牌唔係歐洲一線，馬力唔係好大，試佢嘅原因係：外形幾特別，配柴油Turbo引擎，除開好慳油……幾毫子一公里。 C4 Catcus賣238,000，呢個價位大把主流選擇，日本嘅、歐洲嘅，無論認真數或求其咁去數，C4 Catcus都冇乜機會喺Top 10…唉！講呢啲。

不過，如果將燃油開支都納入排名計算因素，咁C4 Catcus嘅排名就好大機會位列前芧。好老實，C4 Catcus馬力唔大，配一副1.6公升HDi直四柴油Turbo引擎，最大馬力100匹/3750rpm，但峰值扭力竟然有25.9kgm/1750rpm，每3.4公升柴油夠行駛100公里，以目前約$9.5一公升嘅柴油價計算，只係三毫幾子一公里，我諗唔到呢個價位嘅新車，有邊部嘅「油錢」平得過佢。

C4 Catcus呢種耗油表現唔算得驚為天人，喺歐洲，好多1.6公升Turbo柴油引擎都做得到。寶馬嘅116d或再上一代嘅114d都得，歐洲豐田分部嘅Yaris柴油版亦可以。好可惜，頭先講嘅幾個型號香港都唔會有，咁「人無我有」，慳油慳錢嘅事，係好值得拎出嚟講吓嘅！

但係，1.6公升柴油Turbo引擎嘅輸出特性，有別於香港主流用家對同等容積電油Turbo引擎嘅印象……轉數上得好快、低中高都咁好力。 1.6公升柴油Turbo引擎有佢自己一套，應該話，你急唔嚟，佢低轉好大力，但轉數唔算上得快，輸港嘅C4 Catcus配6前速自動離合器波箱（唔係Dual Clutch），當一feel到部車夠力同車速到達相應水平，就會轉高一個波，唔會再刻意催谷引擎去中高轉，所以你唔會聽到好響亮或雄壯嘅引擎聲。望望車速，原來已接近100km/h，喺吐露港公路（大埔廣福邨對出）嘅上斜路段，好好力，呢啲就係柴油私家車嘅優勢。

呢款自動離合器波箱，同快意（Fiat）500嗰種有啲相似，結構相比而家流行嘅雙自動離合器簡單、輕巧，但缺點係每次轉波（自動轉波模式，或稱為A Mode）都有少少「拖住拖住」嘅感覺，請唔好誤會佢有唔舒服，而係呢類波箱嘅特性，歐洲用家早已習慣，唔慣嘅話可以改用手動轉波模式。

小弟自問對唔同類型波箱嘅適應力算幾強，喺自動轉波模式情況下，每次feel到佢將會轉波，我都會輕輕縮一縮油，咁轉波過程就順好多。你可能話：「咁你縮油，『冧』轉數，副偈就冇晒力啦！傻佬！」但實情係，柴油引擎扭力好強，你輕輕縮一縮，佢依然好好力，no problem。當然啦！喺好似香港呢啲個個客都係太上皇嘅market，要自動波車買家就住就住畀油，實在係「開玩笑」。咁容我多事講多一句公道話：「呢類車，concept上仍然係一部手波車，只不過係電腦幫你踩clutch，唔能夠當晒佢係百分百嘅傳統自動波車。」

C4 Catcus好紮實，全車偏偏只重1070kg，但卻可以喺EuroNCAP撞擊測試得到頗高評價，所以呢款車喺去年面世時，都得到英國、法國、德國嘅著名汽車雜誌好評。外形，雪鐵龍（Citroën）幾時都係別樹一格，鍾意嘅，你就有feel，唔鍾意嘅，你望一望就會行開。我冇養過近代法國車，唔算真實用家，但我自懂性已對雪鐵龍汽車有相當好感，BX、XM、Xantia、C5、C4 Catcus同我鍾意嘅C6。實淨試揸，諗唔到隔音幾好，呢樣有驚喜，懸掛行程長咗啲，過彎傾側多啲，但整體係舒服，韌度充足。
未放平椅背，行李艙空間358公升放低椅背後，置物空間增至1170公升
C4 Catcus被唔少人視為21世紀嘅2CV，咁嘅講法啱唔啱你聽，見人見智，但我覺得C4 Catcus嘅車身比例幾特別，既似五門掀背車，又有少少旅行車味道，空間四正得嚟又有啲個性design。眼細細，車門又有稱為Airbump嘅車門保護墊，各樣元素撈埋一齊，好獨特。獨特嘅代價係……遇上「唔識嘢」嘅friend就會dut你一句：「核突！」所以，揀得C4 Catcus嘅，我相信都係唔理人哋點睇自己，自己鍾意點就點，更加唔介意被人「孤立」嘅用家。
（上、下圖）水撥內置噴水孔，水撥臂附有噴水管道，所以擋風玻璃下緣再冇噴水孔
Citroën C4 Catcus規格售價：$238,000 代理：Citroën HK www.citroen.com.hk 車型：五門五座體積：（長）4157mm x （闊）1729mm x （高）1540mm 軸距：2595mm 引擎形式：1560c.c. 直列4汽缸，柴油共軌直噴，渦輪增壓及中冷器，前置引擎馬力：100匹/3750rpm 扭力：25.9kgm/1750rpm 波箱：6前速自動離合器，前輪驅動懸掛：（前）麥花臣支柱；（後）扭力桿制動：（前）透氣碟；（後）鼓式油缸容積：45公升車重：1070kg 耗油：3.4L/100km或29.4km/L（巿區及公路混合計算模式）輪胎：GoodYear EfficientGrip 205/55 R16 91V（前、後）

COMMENT

< PREVIOUS

是蛋也是頭日本渣古頭扭蛋

2017-01-16

NEXT >

老並不可怕非一般50+魅力老男人

2017-01-16

SOMETHING NEW

「買得Polo，好心你俾多些少買Golf 1.4（150匹）啦！」我多事，加把咀「咁買得Golf 1.4，點解又唔添多啲買GTI或Golf R呀？」好在，地球仲有好多小車fans，亦都有個叫Volkswagen嘅老招牌繼續陪佢哋癲，推出好似Gol ...

autoreviews

【一公升Turbo當道】Volkswagen Polo 1.0 TSI

06 Nov 2017

「而家啲車唔靚」已經流傳於環球車迷口中約20年。我唔敢話將近2018呢刻，全球車廠已覺悟前非，部部新車皆「靚女」，但近年，德國、日本都有唔少令人睇得舒服順眼，又獨具風格嘅新盤。包括今次MenClub到德國試駕嘅V ...

autoreviews

【不用看藍天碧海】Volkswagen Arteon

03 Nov 2017

SOMETHING YOU LIKE

雪鐵龍（Citroën）C4 Catcus試車報告嚟得比較遲，呢部車喺香港推出已經至少有半年，品牌唔係歐洲一線，馬力唔係好大，試佢嘅原因係：外形幾特別，配柴油Turbo引擎，除開好慳油……幾毫子一公里。 C4 Catcus賣238,000，呢個價位大把主流選擇，日本嘅、歐洲嘅，無論認真數或求其咁去數，C4 Catcus都冇乜機會喺Top 10…唉！講呢啲。

不過，如果將燃油開支都納入排名計算因素，咁C4 Catcus嘅排名就好大機會位列前芧。好老實，C4 Catcus馬力唔大，配一副1.6公升HDi直四柴油Turbo引擎，最大馬力100匹/3750rpm，但峰值扭力竟然有25.9kgm/1750rpm，每3.4公升柴油夠行駛100公里，以目前約$9.5一公升嘅柴油價計算，只係三毫幾子一公里，我諗唔到呢個價位嘅新車，有邊部嘅「油錢」平得過佢。

C4 Catcus呢種耗油表現唔算得驚為天人，喺歐洲，好多1.6公升Turbo柴油引擎都做得到。寶馬嘅116d或再上一代嘅114d都得，歐洲豐田分部嘅Yaris柴油版亦可以。好可惜，頭先講嘅幾個型號香港都唔會有，咁「人無我有」，慳油慳錢嘅事，係好值得拎出嚟講吓嘅！

但係，1.6公升柴油Turbo引擎嘅輸出特性，有別於香港主流用家對同等容積電油Turbo引擎嘅印象……轉數上得好快、低中高都咁好力。 1.6公升柴油Turbo引擎有佢自己一套，應該話，你急唔嚟，佢低轉好大力，但轉數唔算上得快，輸港嘅C4 Catcus配6前速自動離合器波箱（唔係Dual Clutch），當一feel到部車夠力同車速到達相應水平，就會轉高一個波，唔會再刻意催谷引擎去中高轉，所以你唔會聽到好響亮或雄壯嘅引擎聲。望望車速，原來已接近100km/h，喺吐露港公路（大埔廣福邨對出）嘅上斜路段，好好力，呢啲就係柴油私家車嘅優勢。

呢款自動離合器波箱，同快意（Fiat）500嗰種有啲相似，結構相比而家流行嘅雙自動離合器簡單、輕巧，但缺點係每次轉波（自動轉波模式，或稱為A Mode）都有少少「拖住拖住」嘅感覺，請唔好誤會佢有唔舒服，而係呢類波箱嘅特性，歐洲用家早已習慣，唔慣嘅話可以改用手動轉波模式。

小弟自問對唔同類型波箱嘅適應力算幾強，喺自動轉波模式情況下，每次feel到佢將會轉波，我都會輕輕縮一縮油，咁轉波過程就順好多。你可能話：「咁你縮油，『冧』轉數，副偈就冇晒力啦！傻佬！」但實情係，柴油引擎扭力好強，你輕輕縮一縮，佢依然好好力，no problem。當然啦！喺好似香港呢啲個個客都係太上皇嘅market，要自動波車買家就住就住畀油，實在係「開玩笑」。咁容我多事講多一句公道話：「呢類車，concept上仍然係一部手波車，只不過係電腦幫你踩clutch，唔能夠當晒佢係百分百嘅傳統自動波車。」

C4 Catcus好紮實，全車偏偏只重1070kg，但卻可以喺EuroNCAP撞擊測試得到頗高評價，所以呢款車喺去年面世時，都得到英國、法國、德國嘅著名汽車雜誌好評。外形，雪鐵龍（Citroën）幾時都係別樹一格，鍾意嘅，你就有feel，唔鍾意嘅，你望一望就會行開。我冇養過近代法國車，唔算真實用家，但我自懂性已對雪鐵龍汽車有相當好感，BX、XM、Xantia、C5、C4 Catcus同我鍾意嘅C6。實淨試揸，諗唔到隔音幾好，呢樣有驚喜，懸掛行程長咗啲，過彎傾側多啲，但整體係舒服，韌度充足。
未放平椅背，行李艙空間358公升放低椅背後，置物空間增至1170公升
C4 Catcus被唔少人視為21世紀嘅2CV，咁嘅講法啱唔啱你聽，見人見智，但我覺得C4 Catcus嘅車身比例幾特別，既似五門掀背車，又有少少旅行車味道，空間四正得嚟又有啲個性design。眼細細，車門又有稱為Airbump嘅車門保護墊，各樣元素撈埋一齊，好獨特。獨特嘅代價係……遇上「唔識嘢」嘅friend就會dut你一句：「核突！」所以，揀得C4 Catcus嘅，我相信都係唔理人哋點睇自己，自己鍾意點就點，更加唔介意被人「孤立」嘅用家。
（上、下圖）水撥內置噴水孔，水撥臂附有噴水管道，所以擋風玻璃下緣再冇噴水孔
Citroën C4 Catcus規格售價：$238,000 代理：Citroën HK www.citroen.com.hk 車型：五門五座體積：（長）4157mm x （闊）1729mm x （高）1540mm 軸距：2595mm 引擎形式：1560c.c. 直列4汽缸，柴油共軌直噴，渦輪增壓及中冷器，前置引擎馬力：100匹/3750rpm 扭力：25.9kgm/1750rpm 波箱：6前速自動離合器，前輪驅動懸掛：（前）麥花臣支柱；（後）扭力桿制動：（前）透氣碟；（後）鼓式油缸容積：45公升車重：1070kg 耗油：3.4L/100km或29.4km/L（巿區及公路混合計算模式）輪胎：GoodYear EfficientGrip 205/55 R16 91V（前、後）