【睇片】識睇眉頭眼額 Jaguar Land Rover車廂管家級技術

文：MenClub Dio
POSTED ON 11 Jul 2019


「做咩黑口黑面啫？」「邊個得罪你啫？」「噚晚做賊嚟呀？」「同你講嘢冇表情嘅？」「對住我好悶咩？」即係咁，以後自己駕車時，你部車可能都會留意吓你有冇情緒波動，會唔會太眼瞓，會唔會有心事，不過佢就唔會吓吓開口問，直情幫你調節燈光、音樂、冷氣，令你精神啲冷靜啲。但如果你同我一樣，有揸車聽歌跟住肉緊大聲唱嘅習慣，唔知佢會點？唱得好同差會唔會有唔同待遇？

調查發現，有74%駕駛者駕駛時會感到崩緊，其實我諗香港唔只......Jaguar Land Rover研發artificial intelligence technology技術，會透過鏡頭探測你的表情，繼而調節車內設定，而且不只是前座駕駛者，後座乘客都有份，即係駕駛者最緊要精神，但後座乘客就最重要好瞓，會因應乘客表情校暗燈光。