{ SKIP }
文:MenClub 摯樂  圖:互聯網
POSTED ON 11 Jul 2019
【推薦電影】英國喜劇《緣來自昨天》沒有Beatles的世界還有「阿積牆」

創意是甚麼?創意有時未必是你原生腦中的概念,反而是一些已經處在的生活點滴忽然轉身射個三分波,一下子改變就變成創意澎湃之作。近年興起名人音樂傳記電影,不過世界除左直線還可以玩曲折,最新一部有趣的電影作就用另一個曲的方式重溫經典音樂傳奇「披頭四(The Beatles)」,電影《緣來自昨天》劇情相當有趣,講一場意外後,主角發覺全世界無左「披頭四(The Beatles)」,Beatles不存在的世界,主角阿積就披頭上身,自己變成世代巨星,呢個劇情絕對「爆」過正正常常拍部Beatles傳奇片,但呢個世界無左The Beatles,真係好難接受,即係無左「連儂牆」,隧道無左連儂牆同打邊爐無左竹輪,世界會變成暗淡無光定還是藍光四射呢?如果跟《緣來自昨天》劇情應大家仲有「阿積牆」……………咁竹輪改唔改名做老虎貓呢?

 

 

《緣來自昨天》係一部英國電影,如果大家記得《摘星奇緣》、《真的戀愛了》等等一系列好正的英國電影,呢部是金像編劇李察·寇蒂斯又一驚喜的愛情喜劇,聽到佢大名你就知道呢套野值得期待。再加上《迷幻列車》、《一百萬零一夜》的金像導演丹尼保爾,連同上述超爆有趣的劇情同埋必然出現一首首「披頭四(The Beatles)」經典歌曲,唔駛多講呢部戲是暑假必睇喜劇。

 

劇情故事由阿積(赫密殊柏特爾)這位居於英國海邊小鎮的唱作人說起:即使有青梅竹馬好友艾莉(莉莉詹絲)一直打氣力撐,阿積依然浮沉樂壇,星夢漸遠… 點知,在全球神秘停電夜,阿積遇上交通意外被巴士撞傷昏迷,醒來後發現世界上少了一樣東西 — 傳奇樂隊「披頭四(The Beatles)」,他們從此「被消失」了,除了阿積,無人知道他們存在過!識唱識彈披頭四所有金曲,加上金牌經理人迪比娜(姬蒂麥潔諾)的催谷,阿積憑著唱「口水歌」一炮而紅,人氣直迫英國著名歌手Ed Sheeran!不過,名利令阿積和他當年唯一知音艾莉距離漸遠,他決定尋回「昨日」,真愛不容有失!

 

電影香港要等到8月22日先上映,真係滿心期待!!話時話以前認為平行時空的概念是科幻電影情節,大個先發覺其實是社會縮影,真係好多人活在平行時光當中的,可能真係有人世界從來沒有存在過The Beatles,佢地只會返工放工謝主隆恩,最怕有人影響到佢返工放工。約翰連儂?咩水!阻我收工見一穫打一穫

 

如果依家你有套戲想睇,你嘅第一反應可能唔係睇下戲院仲有無上、DVD出咗未,而係上網串流平台有無提供。反正依家有咁多個平台,總有一個會解決你問題吧?對於唔少人黎講,呢個改變可能屬於「方便」嘅範疇,不過HBO M ...
hobby
【影視】HBO總裁指太多串流平台混淆觀眾 然後宣佈未來加價及打擊帳戶共享
12 Sep 2025
Glen Powell表示,Chris Pratt在《Guardians of the Galaxy(銀河守護隊)》嘅演出,改善咗荷里活男主角必須嚴肅或陰沉嘅形象,令業界開始接受男主角帶點俏皮同輕浮嘅態度,間接幫佢開闢咗成為電影明星嘅道路。 ...
hobby
【影視】Glen Powell大讚Chris Pratt「星爵」改變了荷里活男主角形像:不再陰沉嚴肅,可以輕浮俏皮
11 Sep 2025