唔少人都鍾意喺夏天曬下太陽，換得一身古銅色肌膚，同時促進身體產生維他命D，有益健康。不過，最近TikTok就流行一種另類日光浴「曬會陰」（Perineum Sunning），顧名思義即係對住個太陽腿張開，聲稱能夠改善睡眠、增強性慾...

據外媒《New York Post》報導，最近TikTok興起一種「健康」運動，愈嚟愈多網民分享「曬會陰」短片，不論男女老少、瞓喺沙灘定抑或草地，通通都朝天腿張開露出會陰吸收陽光。其中一位名為Abushady嘅網民表示：「除非你親自體驗過，否則你無法真正描述嗰種感覺，就好似陽光從下往上灌滿全身。而另一位名為Sasha Piton網民就聲稱「曬會陰」令佢瞓得更好、平衡荷爾蒙、獲得更高性慾及創造力，而且屁股亦變得更黑更美。

據了解，「曬會陰」早於2019年首次出現，當時就有醫生警告，生殖器及肛門週邊皮膚比較薄而且非常敏感，經常暴露於陽光下，會容易曬傷以及增加患上皮膚癌風險。話雖如此，TikTok上標籤「#Perineum sunning」嘅短片瀏覽量卻超過280萬次。