{ SKIP }
文:王貽興  圖:互聯網
POSTED ON 01 Oct 2017

電視台節目《神一般的隊友》訪問愛打機的毒男女友,女友說如果早知道男友這麼愛打機,當初也許就不會跟他拍拖……男人愛打機,就如女人愛煲劇,各有各喜好,你罵男友打機花錢花時間,女人煲劇或者玩煮飯仔不也花時間心機金錢?當男人沒有管女友的錢怎麼花的時候,女人幹嗎要管這管那,還說什麼早知佢咁咁咁我就唔同佢一齊?



早知一定與你分手最愛往往難以相廝守,有早知邊嚟咁多乞衣?愛情根本就沒有早知可言,你早知我愛打機砌模型就不跟我一起,我早知你原來落妝似女鬼,早知你原來裝假狗升球大墊,早知你咁公主病,都唔會肯落搭啦,早知……

初相識時不論男女,總是努力表現自己最好,或者最具巿場潛力的一面,同時極力掩藏普遍異性認為不OK的部分,這是人之常情,男女皆然,大家心照,又或者說,當大家都不是情場初哥,拍過幾次拖,遇過大同小異的隱瞞老騙,面對眼前女生扮細食扮溫柔扮怕醜扮柔弱,或者面前男仔扮孝順扮專一扮情深扮豪爽扮聽話扮隨傳隨到,其實大家心照,多走幾步,最後大家都只會現出原形,何必說破?又何需扮苦主搏同情?



怪早知,扮無知,是不負責任的表現,也是輸打贏要的做法。除非你想離場,否則有什麼早知不早知?當你的另一半越多早知,就越是說明對方已經不滿,太多埋怨,太多比較,她愛的是那個裝出來的你,而不是真正的你,你們繼續下去她也不會滿足,相反只會越來越不滿,既然如此,何必苟延殘喘?

毒L扮正常,公主扮蔗民,賤民扮專一,結婚扮未婚,有女扮單身,猶如化妝舞會,所謂愛情,只會令人想起內地一句名言,所有東西都是假的,只有騙子才是真的……

 


作者簡介: 香港新生代作家、作詞人及主持人






如果大家有睇過下《排球少年》,應該都知道每年1月舉行嘅「全日本排球高等學校選手權大會」(簡稱「春高」)乃係日本高中排球比賽嘅殿堂之一。而今晚要同大家介紹嘅呢位日本美女「蒔埜ひなが」,亦同「春高」有住密 ...
girls
【深夜】日本春高出賽資歷 165cm排球美少女「蒔埜ひなが」
16 Apr 2025
過去有唔少學術研究都指出,男人之所以覺得「十八廿二」嘅少女吸引,在於佢哋嘅身體狀態係最適合生仔,而男性基因中嘅天性付我哋於潛意識地被呢種狀態所吸引。但學術研究還學術研究,作為男人都知呢個世上唔只有「十 ...
girls
【深夜】少女出道二度發育 「高崎かなみ」長出女人味
11 Apr 2025