{ SKIP }
文:王貽興  圖:互聯網
POSTED ON 11 Feb 2018

農曆新年撞著情人節,也不知道是把最麻煩的事情一次過面對比較乾脆,還是沒拖拍的人因為過年所以冇咁覺冇咁寂寞……

一到新年,見家長就是永恒煩惱。趁過年第一次見家長固然名正言順,但買什麼來拜年,倒是太考心思與品味,不要以為買參茸海味就一定很到對方家長歡心,要是唔識嘢求其亂買,貴得嚟但冇心思或者嘥咗錢,畀人腰潤你唔識買就唔好亂買,第一印象已經輸蝕,那就真的未見官先打五十大板……

 

就算禮物買對,成功過了第一關,趁過年拉你留低打幾鋪麻雀,其實同樣容易出事。家長們總是喜歡把最重要的問題用最輕省的語氣講,把最沉重的話題留到打麻雀或者食飯夾餸時唔覺意咁問,咦你地諗住幾時結婚呀?依家上車咁貴,你地有冇諗過要儲幾耐先至儲夠錢買樓呀……

 

要是只有另一半父母還好,一個盧宛茵再難搞都只是一個盧宛茵,如果剛好還有一堆三姑六婆在旁,人人對你品頭評足,十幾對眼由頭頂望到你落腳趾尾,三師會審戚秦氏,除非你有包龍星那麼好口才,又或者身為水師提督常威個仔,有李公公黃袍加身,否則根本不可能全身而退,是但一方必有死傷……身邊有男生朋友一到新年,若有拖拍,定必跟另一半遊埠避年。起初我們不明所以,新年旅行又貴又辛苦,所有旅遊熱點聽到的全是廣東話,人多擠迫,價錢分分鐘是平日出埠一兩倍,點解要咁戇居?

後來聽到友人解釋,恍然大悟。原來他認為過年出埠避年雖然好乸利,但至少人在外國,順理成章不必拜年見家長,少好多說話聽,也見少好多令你直接對另一半扣分的親朋戚友,所以再貴其實計返都值得……

「可以用錢解決的事,為什麼不用錢解決?」

果然有道理。這個情人節或者新年,能夠花錢消災就花吧,畢竟兩個人的關係裡,實在有太多事,就算你肯事後畀錢,都無法當冇事發生過……

作者簡介: 香港新生代作家、作詞人及主持人
事後女方亦有出聲明反駁
girls
金錢糾紛?最索天氣主播前男友爆分手真正原因
22 Oct 2018
This is Sparta!!!!
girls
來自「斯巴達」的女人 Neesy Rizzo
20 Oct 2018