李嘉欣

18歲時就成為港姐、華姐雙料冠軍(1988年)，靚到有個朵就叫「大美人」，依家就算已經年近五十，做埋呀媽都係風韻猶存。但喺班00後嘅認知當中，我估就算記都係記得「我真係恭喜你呀」。

邱淑貞

豆豆呀！係豆豆呀！1987年參選港姐成為大熱，後來因為整容風波被逼退選，但依然得到電視台賞識入行。初期以清純形象出道，到1992年《赤裸羔羊》大膽演出成為一代性感女神，連埋《不道德的禮物》及《愈快樂愈墮落》三次提名金像獎最佳女主角，1999年與I.T創辦人沈嘉偉結婚後全面息影——如果你唔知佢有幾靚，不妨去睇下佢今年16歲嘅大女沈月。

王祖賢

15歲於台灣出道，1985年開始參與香港電影，其中1987年於《倩女幽魂》中出演小倩一角風靡亞洲，甚至韓國人依家講起香港電影女明星都仲會提起佢。

張敏

有睇過周星馳啲戲就一定會認得呀「綺夢」，90年代拍下多部電影，1995年淡出後近廿年來多次「復出又淡出」。

朱茵

紫霞仙子你都唔識就真係好打有限，但個人認為佢演出最高峰係《強姦2之制服誘惑》，想當年與朋友去打冷遇著電視深夜重播，成間鋪頭啲人專心飯都唔記得食，可想而知佢有幾吸引。

黎姿

細細粒呀！係細細粒呀！我仲需要講啲咩呀？

蔡少芬

若然你有聽過「我真係恭喜你呀」，你一定知道「Ada」係邊個。17歲以港姐季軍身份出道，九十年代尾成為電視台五大花旦之一。早排有網民搵返佢當年嘅劇集造型出黎，仲話佢贏哂所有韓妹添呀！

袁詠儀

90年港姐冠軍，90年代中期當紅女演員——我淨係講94年佢已經有包括大家屬悉嘅《國產凌凌漆》等14部電影上映，當中10部係女主角，仲憑《金枝玉葉》拎到金像獎最佳女主角。

張栢芝

同班00後講「奇拿事件」佢哋都未必知係咪，要佢哋知道邊個係張栢芝就更加難。但00後你需知道當年張栢芝係你哋出世前幾年係好多人嘅初戀黎架。