日本藝能界百花齊放，有多間電視台以及數之不盡嘅好節目。知名製作人秋元康就曾經同東京電視台聯手製作選秀綜藝節目《青春高校3年C組》，招募多位高中生組成喺漫畫入面先有機會見到嘅「夢想班級」，隨住節目爆紅就順勢推出埋偶像組合「青春高校3年C組偶像部」。今日就同大家介紹其中一位成員，嚮往鄉村生活嘅美少女「頓知気さきな」。

今年21歲嘅「頓知気さきな」，早喺2018年就同家姐「戦慄 かなの（藝名嚟，所以怪怪哋係正常）」組成女子組合「femme fatale」出道，後來喺2019年參加頭先所講綜藝節目《青春高校3年C組》開始走紅。

隨住女團喺今年3月31日正式解散，佢就推出首本個人寫真集，實現佢一直以嚟嘅夢想。唔知係咪代表佢之後會打算進軍寫真界呢！