由於今屆奧運港隊冇出戰跆拳道項目，可能大家都冇咩點留意呢方面嘅賽事。今日介紹嘅Avishag Semberg就係一位以色列跆拳道選手，年紀輕輕第一次出戰奧運就斬獲銅牌，同時亦係以色列跆拳道歷史上第一面獎牌。出眾嘅實力加上媲美名模嘅身材，令佢瞬間吸引大量支持者。

今年19歲嘅Avishag Semberg，讀一年級嗰陣偶然參加一次跆拳道課程，自此就深深愛上呢項運動。經過多年訓練，2016年首次參與國際性賽事「 世界青年錦標賽銅牌」就獲得46公斤級銅牌，期後都分別喺各項大賽獲得唔錯嘅成績，一步又一步攀到依家嘅奧運銅牌。

除咗跆拳道訓練之外，佢平時都鍾意去沙灘曬下太陽，IG上有唔少火辣泳衣相，希望佢磨練多幾年後，下屆奧運可以更上一層樓！