日本周不時就會舉行啲「最可愛xxx」選美比賽，例如「最可愛大一生」、「最可愛高中生」、「最可愛高一生」...等等。由於部份比賽贏得冠軍可以直接簽約出道，所以歷年嚟吸引唔少有意投身藝能界嘅妙齡少女參與。而今日介紹嘅「貝賀琴莉」就係「2017 最可愛高一生」亞軍得主，事隔4年依舊可愛，最近仲首度登上寫真雜誌添！

今年19歲嘅「貝賀琴莉」，當年參加「「2017 最可愛高一生（高一ミスコン2017）」選美比賽不敵「吉田莉桜」屈居第二，無緣取得少女時尚雜誌《Popteen》專屬Model合約，但總算賺咗曝光機會，期後亦參加過各個大大細細嘅比賽，可惜未能脫穎而出，於是佢就返翻去專心讀書。

「貝賀琴莉」高中畢業之後，因為考唔上心儀嘅大學，加上同目前所屬嘅事務所（01familia）有聯繫，所以決定簽約出道做藝人。早排佢就初試性感，首度登上寫真雜誌大曬迷人身材，唔知往後會唔會全力進軍真界呢？

資料來源：[email protected]、[email protected]