日本經理人公司「01familia」出咗名多人氣水著寫真女星，入得去嘅都有返咁上下實力或者潛力，今日介紹嘅「秦はるか」就係佢哋旗下一位新人！

今年22歲嘅「秦はるか」曾經喺上年加入過女團「真っ白なキャンバス」，但唔夠半年就因為身體健康為由離隊，後來被「01familia」睇中加入成為旗下藝人。就喺9月嗰陣，佢就踏出第一步挑戰人生第一輯水著寫真，話晒都係第一次，所以甫士難免有啲生硬。佢事後接受訪問時就表示，雖然事前研究過「桃月なしこ」及「霜月めあ」兩位寫真前輩嘅甫士，但到咗真係影嗰時就做唔返出嚟，而已好難表現得自然，同平時自拍差好遠。咁唯有希望佢可以影多幾次，當作訓練之餘又可以畀Fans們大飽眼福！