如果你走去問一個男人——或者你撫心自問啦下——女仔著咩衫係最好睇，我相信有一半人會答你「唔著最好睇」。係，我哋必須要承認男人有時就係咁膚淺，淨係關心女仔「有著衫定冇著衫」，但你又有冇諗過原來「換衫」都可以係個賣點？

早期嘅片就唔見Model個樣嘅

卻說某日YouTube突然提議咗呢個名叫「DTail」嘅頻道畀我 (唔好問我本身睇咗啲咩所以佢畀啲咁嘅嘢我)，撳入去就發現係一個「換衫Channel」——佢啲片好簡單，有個本身著住內衣、戴住口罩嘅女仔，然後笠一件闊身睡衣上身，然後於睡衣內除咗套內衣、換上不同主題服裝，最後除返件睡衣出黎展示換咗嘅衫。就係咁簡單。

神奇嘅係，呢啲咁嘅題材，我以為只有日本或韓國先有人做，甚至連YouTube都有人留言問佢哋係咪韓國人，點知一睇先發原來呢個係香港Channel！仲有個IG「dtail_hk」！

而呢個IG其實就係將影片截圖再重新Post一次出黎，最初嘅幾個Post亦表明佢哋招募緊模特兒。但我搵均哂IG、YouTube都搵唔到呢個Channel究竟係為咗咩而設，我以為佢哋係賣情趣內衣又唔係。而睇IG留言就見到有個叫「Stevechan0108」嘅「專業攝影師」自稱係「DTail」嘅經營者。

資料來源：dtail_hk on IG、stevechan0108 on IG