香港曾幾何時都有過一陣「寫真風」，不過當中大部份女仔都係打算靠出寫真提升名氣，再借勢「上岸」踏足其他領域；相比之下，日本就經常有啲於其他方面已經做出成績嘅女仔加入寫真界，令整個寫真圈嘅生態更多姿多彩。好似今晚要介紹嘅呢位「いけちゃん」咁，本身已經係一個知名YouTuber，但佢近來就決定拍攝水著寫真！

「いけちゃん」嘅YouTube頻道成立於2019年，以日本嘅標準黎講其實都算係幾早期就加入。雖然佢嘅影片大部都係日常、食播、傾計之類，但就憑住可愛嘅短髮造型，加上久唔久露一露嘅美好身材而獲得超過40萬訂閱。到今年1月時更成功走出網上世界，獲《週刊Playboy》邀請拍攝首輯水著寫真，令其人氣進一步攀升。

在 Instagram 查看這則貼文

いけちゃん（@ikechan0920）分享的貼文

不過有趣嘅係，近來佢再為《週刊Playboy》拍攝寫真時，就提到上一輯寫真出街之後，佢阿媽傳訊息畀佢問：「你搞咩？」結果因為唔知點答，佢就決定以讀不回自己阿媽；近排知道佢去沖繩拍攝第二輯寫真後，阿媽又再傳訊息黎問「你又搞咩？」結果佢再一次已讀不回。但佢就強調，拍攝寫真係佢想做嘅嘢，未來亦希望可以出道實體嘅個人寫真集。換言之大家未來有更多機會見到佢嘅好身材？

圖片：ikechan0920 on IG