過去幾年嘅疫情影響咗唔少人嘅工作，有人失業又有人要轉工，而今日要介紹嘅呢位「原つむぎ」，就係因為遇上疫情，所以先投身寫真界，但當你睇到佢個身材，你或者都會同意寫真界先係佢可以發光發熱嘅地方。

現年24歲嘅原つむぎ，原本係一個於大學讀保育學系、畢業後又真係去過幼稚園返工、仲拎埋幼稚園老師資格嘅普通人。不過據佢寫真出道後講，其實當時佢自己都唔知係咪應該將保育士視為終身職業。然後唔知係好彩定唔好彩撞上疫情，連保育士都冇得做，咁啱得咁橋見到日本雜誌《FLASH》舉行嘅「Miss Flash」選秀，於是佢就決定報名參加，並遇到依家嘅經理人，最後於2020年尾正式以寫真女星出道。

點解話寫真女星可能係更適合原つむぎ嘅工作呢？原因就係身高168cm嘅佢，有住近40吋 (101cm) 嘅H Cup上圍，再加上佢本身身形就偏肉感，如果唔係做寫真女星，大概會被人當係肥；但黎到寫真界，佢呢個身材就係巨大賣點。唔知各位又睇唔睇佢喺寫真界嘅發展呢？

IG：haratsumugi