自發育以後，男人就非常在意自己嘅下體大小，而為咗喺唔除褲嘅情況下都可以同其他男人「比拚」，於是男生圈子中就出現如中指屈落掌心後有幾長，拇指同中指圈成一個圈有幾大等疑真似幻嘅間接標準。而近日一個韓國研究就發現，原來下體大小真係有「樣」睇，因為男人個鼻嘅大小，真係同下體大小有關！

卻說嬰兒於母體內接觸到嘅男性賀爾蒙「睪酮」水平，係影響其長大後下體大小嘅重要元素，而同時鼻嘅大小亦同樣受「睪酮」水平影響，所以「個鼻大」好可能等如「於母體接觸得多睪酮」於是「下體就會大」。而近日一個韓國研究亦證實咗呢個「鼻大小」同「下體大小」之間嘅關係。一班來自韓國蔚山大學醫院嘅研究員，利用一個2021年日本研究收集到嘅數據，發現鼻長4.5cm嘅男性，下體勃起前嘅平均長度為10cm，但如果鼻長有5.5cm嘅話，下體勃起前嘅平均長度就有13.4cm，相差超過30%。

同一個研究亦發現，男性嘅腳板大小，與下體粗度有關。雖然冇準確嘅數字表明，但腳板越大，下體就會越粗。

資料來源：Penile length and circumference: are they related to nose size?