眨下眼又黎8月尾，換言之青春火熱嘅暑假快將完結。但唔知係咪因為今年夏天實在太熱，所以一眾網紅、KOL們好似都冇咩點去沙灘影相，搞到大家可以欣賞嘅清涼照大幅減少。但唔緊要呀，因為香港冇，但日本有呀！好似今晚介紹嘅呢位「桑島海空」咁，近日就影咗輯沙灘寫真，展示其火辣豐滿身材！

現年19歲嘅「桑島海空」原本係個IG、TikTok網紅，去年年尾時被《週刊Young Jump》邀請拍攝寫真水著出道，旋即憑其燦爛可愛笑容以及嬌小肉感身材造成話題，其中於《Young Jump》官網上公開嘅寫真拍攝花絮片段，更打破網站紀錄，成為有史以黎最多人睇嘅影片，可見佢嘅吸引力有幾驚人。

而或者係因為個名又「島」、又「海」、又「空」，所以「桑島海空」自出道以黎，幾乎所有寫真都係陽光與海灘嘅組合，於室內拍攝嘅相少之又少。而佢最新為《FRIDAY》拍攝嘅寫真中，更曬出一身健康膚色，成熟度及誘人度都有所提升，更獲封為「最強Summer Girl」。相信大家睇完佢啲相，都會想出去同陽光玩下遊戲呀！

IG：me_1480mm