雖然話大部份男仔都鍾意身材豐滿嘅女仔，但對女仔黎講身材豐好多時係煩惱多於好處。例如好難買到啱身內衣、著衫好易顯肥、讀書時會被其他女仔霸凌、出街又會成日被人望住、行動好唔方便等等。好似今晚要介紹呢位寫真女星「高砂ミドリ」咁，佢就擁有H Cup超豐富身材，但奇就奇在佢似乎完全冇被身材影響，仲非常感謝自己身上啲肉添！

現年23歲嘅「高砂ミドリ」，早於2019年就以「大間乃トーコ」之名於《週刊Young Jump》寫真出道，後來將藝名換成「高砂翠」、再將個「翠」字換成片假名，變成依家嘅「高砂ミドリ」。據佢回憶，由於佢中學時身材已經非常誇張，所以被同學改咗個花名叫「行走的包裝袋」。但有趣嘅係，身材似乎冇影響佢嘅心情，亦冇影響佢嘅運動能力，事關佢於負重之下都可以跑出50米7.2秒嘅好成績。

而且加入寫真界後，佢嘅身材就成為佢嘅最大武器，就更令佢愛惜自己啲「肉」。所以近日佢於《News Post Seven》接受日本Rapper「呂布カルマ」訪問時，就對自己身上嘅「肉」致謝，表示未來都想保持心口、大腿以及Pat Pat豐滿，淨係希望條腰可以瘦啲就好。但我估好多男性都會覺得佢依家已經夠哂完美啦！

IG：_takasagomidori_