於2019年引退嘅AV女優「あやみ旬果 (彩美旬果)」日前被日本八卦週刊《週刊文春》拍到與傑尼斯 (即將改名為SMILE-UP) 旗下組合「A.B.C-Z」成員「塚田僚一」一同出遊，據報「塚田僚一」仲去咗探望「あやみ旬果」嘅老家見埋家長，並指雙方係認真交往。

圖片：週刊文春

據《週刊文春》報導，佢哋於9月25日下午兩點左右，於東京站月台上影到現年36歲、團內「肌肉擔當」塚田僚一與現年29歲嘅「あやみ旬果」一齊等緊前往金沢嘅新幹線。當時塚田僚一對週遭環境頗為警覺，而且除二人之外就冇其他人陪同。後來有人目擊到塚田僚一於北陸地區嘅某個站落車，身邊仲有一個「親近地交談的粉紅色頭髮女性」。《文春》亦表示曾向兩者嘅經理人查詢戀情或結婚消息，但到截稿前都未有回覆。

圖片：週刊文春

另一邊廂，《Tokyo Sports》亦有跟進報導。佢哋引述知情人士指出，日本六本木、西麻布一帶有好多人脈廣泛，同時認識傑尼斯偶像與性感女優嘅企業家或飲食業人士，而佢哋就會作為橋樑介紹雙方互相認識，偶像與女優於派對等場合見面後就會交換社交帳號並私下聯絡，所以發展出戀情都唔係咩出奇事。知情人士甚至指出，近年越黎越多「傑尼斯Fans」就係為咗追星所以先去做女優，情況同早前女優「堀内美香」於X (Twitter) 上嘅發文頗為類似。

資料來源：週刊文春