{ SKIP }
文:MenClub 魏文青  
POSTED ON 09 Nov 2023

我成日都話日本女偶像團體多不勝數、競爭激烈,事實上唔少日本女仔雖然能夠加入女團,但唔係因為團體人氣不足,又或者自己累積唔到人氣,最終都係黯然「淡出」。好似今晚要介紹嘅呢位「田中美麗」咁,年輕時係女團出身嘅佢,其實初時人氣都相當低迷,但依家佢就成為風格多變嘅女演員,就連寫真都相當高質,究竟係有咩啟發到佢呢?

現年27歲嘅「田中美麗」,早於11歲時就已經通過日本Avex嘅甄選,開始出演綜藝節目、又做少女時尚雜誌嘅專屬模特兒,2010年時更與其他甄選合格者組成女團「SUPER☆GiRLS」,演藝之路開始得非常順利。但睇返團體活動資料,就會發現「田中美麗」於團體初期嘅Fans投票排名永遠都處於榜末。據佢去年接受訪問時提到,當年嘅佢完全唔識同Fans互動,於握手會上面對年紀比佢大嘅男女Fans,經常會出現超長Dead Air,結果導致於Fans之間風評不佳,排名自己相當低落。

好在之後佢受到團內一位比佢再年輕一歲,但非常懂得照顧Fans嘅成員啟發,並剪去瀏海改以更明朗嘅形象示人,佢於團內嘅排名就節節上升。可惜2018時佢因為腰間盤突出無法繼續偶像事業而決定卒業,隨後就轉為演員活動。經過幾年努力,佢目前有越黎越多演出機會,連寫真拍攝嘅成績都相當唔錯,而且風格相當多變,性感、可愛甚至時尚都集於一身!希望佢未來嘅發展會更加好啦!

IG:mirei_tanaka_

網絡時代嘅好處之一,就係創作者唔一定要依附於大眾媒體,至要你有足夠人氣或者Fans支持,就可以推出自己嘅作品,甚至「反攻」所謂嘅主流。好似今晚要介紹嘅呢位「月野もも」咁,最近就自資出咗本實體寫真! ...
girls
【深夜】遊戲直播主「月野もも」 自資出寫真
14 Jun 2024
日本演藝界中嘅「寫真」,定義其實相當廣泛。例如我哋「深夜系列」會用到嘅,多數係週刊雜誌拍攝並刊登嘅「雜誌寫真」、近年出版社亦會與女星合作推出另外收費嘅「電子寫真」;另外女星亦可能會推出獨立嘅「實體寫真 ...
girls
【深夜】十年寫真生涯終結 「大貫彩香」DVD引退
12 Jun 2024