男人睇女呢家嘢總係貪新厭，然後驀然回首，你先發覺那些年J…追縱過嘅那個女孩，原來都已經步入輕熟之齡。點解我咁感慨？原因係我發現原來幾年前我為大家介紹過嘅少女「桃月なしこ」，今年就已經29歲，成為一個輕熟女啦！

今年11月就會迎來29歲生日嘅「桃月なしこ」，係於2018年時開始水著活動，而我哋第一次介紹佢亦已經係6年之前。當時嘅佢本來就做緊美容診所護士，但因為於社交媒體上發佈自己嘅Cosplay照，結果成為網上熱話，隨後就發掘拍攝寫真，2019年時更辭去護士工作專心於幕前發展。接下來嘅幾年，「桃月なしこ」嘅發展相當順利，除咗有機會演出電影、劇集之外，廣告、綜藝節目、舞台劇等工作亦源源不絕。

寫真方面佢冇放棄，至今仍係日本各大少年雜誌嘅封面常客。而且難得嘅即使經過6年辛苦嘅幕前工作，「桃月なしこ」到依家仲保持到一個少女模樣，完全睇唔出已經就黎進入「三字頭」。雖然尺度上同當年比都係冇咩突破，但相信都夠大家慢慢欣賞啦。

IG：nashiko_cos