{ SKIP }
文:MenClub 魏文青  
POSTED ON 12 Jun 2024

日本演藝界中嘅「寫真」,定義其實相當廣泛。例如我哋「深夜系列」會用到嘅,多數係週刊雜誌拍攝並刊登嘅「雜誌寫真」、近年出版社亦會與女星合作推出另外收費嘅「電子寫真」;另外女星亦可能會推出獨立嘅「實體寫真集」,又有可能會推出尺度普遍更大、意態更加撩人嘅寫真DVD。而好似「大貫彩香」呢啲於業界打滾多年嘅女星,通常都樣樣有出。不過早前佢就宣佈會從寫真DVD引退,好在佢承諾會繼續拍其他寫真,唔係大家就冇靚相睇囉。

現年31歲嘅「大貫彩香」,早於高中三年級時就於原宿街頭被星探發掘而加入日本演藝界,2011年時參加《週刊Young Champion》舉嘅寫真選美比賽而寫真出道,翌年推出首隻寫真DVD,數數手指已經係近十年前嘅事。隨後嘅十年佢憑住姣好身材於寫真界佔一席之地。2017年時佢曾經被《週刊Playboy》選為「適乳(大小剛剛好)女星」嘅「東橫綱」、2018年又曾於首屆《Sanspo GoGo Queen》比賽中成為冠軍之一,可見佢身材外貌之吸引力。

隨住年紀漸長,「大貫彩香」除咗改行成熟路線之外,亦積極發展寫真以外嘅事業。其中最為人熟悉嘅,大概就係擔任日本自由搏擊賽事《RISE》嘅御用舉牌女郎,例如2022年6月嘅「那須川天心 VS. 武尊」,場上嘅一點紅就係佢黎。或者就係因為寫真外嘅工作漸多,所以佢於去年年尾推出第22隻寫真DVD《TO THX》後,就宣佈從寫真DVD引退。

好在佢話只要有機會,自己會繼續拍雜誌寫真,而佢嘅IG上亦不時有性感自拍。相信都能夠滿足Fans啦。

IG:sayaka_oonuki

喺呢個瞬息萬變嘅世界,唔少人都會有所謂嘅「FOMO」(Fear of missing out)心態,即係認定機會只會短暫、單次出現,今次把握唔到就冇下次,所以必需時刻留意身邊所有事。但今晚要介紹嘅呢位「美波那緒」,就證明畀 ...
girls
【深夜】機會係有第二次嘅 軟萌系寫真女星「美波那緒」
01 Aug 2025
睇得我哋「深夜系列」嘅人,相信平時都會喺社交媒體睇下靚女,如果係咁,大家又覺唔覺得香港近年好似越黎越少漂亮嘅新面孔?好似睇黎睇去都係嗰啲人咁?喺呢方面日本寫真界就好得多,每年至少都有幾個一嗚驚人嘅新人 ...
girls
【深夜】三月出道爆紅 犯罪級玲瓏浮凸身材「髙野真央」
30 Jul 2025