只要大家唔再係十八廿二，就會發現「長肉」並唔困難、甚至有時會直頭太過容易——唔係個肚腩喺邊到黎？真正難嘅，其實係啲肉要長對地方，而且對女仔黎講就尤其重要。但點先為之「長對地方」？睇睇「立野沙紀」呢幾年嘅改變你就知道啦！

現年30歲嘅「立野沙紀」，22歲時曾經參加過日本著名時裝秀Tokyo Girls舉行嘅「Tokyo Girls Audition」，並於全國超過2萬位參加者中殺入最後56名。翌年佢就加入由秋元康及著名經理人公司AVEX聯手籌辦嘅劇團「劇団4ドル50セント」，以舞台劇演員身份一直活動。2020年時佢於《週刊Playboy》獻出「初水著寫真」後人氣再進一步，仲開始有出演綜藝、劇集、電影嘅機會。

去年4月時佢宣佈退出劇團及元經理人公司，改為自由身藝人活動後，出演佐久間宣行製作嘅一系列「罵倒」節目（簡單黎講就係睇藝人被人鬧同遭質啦），其中「罵倒護士」一角更係深受歡迎，令佢人氣再上高峰。

2021年左右嘅舊寫真

而成為自由身藝人之後，「立野沙紀」亦開始重新拍攝寫真，但正正就係因為新寫真，令大家發現過去幾年佢似乎有所成長。平時著住衫未必睇得出，但當佢著上比堅尼之後，就會發現佢上圍及下盤都豐滿咗唔少，尤其係當同幾年前嘅寫真對比，就會發現佢本身已經唔算細嘅上圍，依家更係變得「呼之欲出」。或者呢種就係男人最鍾意嘅「有肉」身材啦！

IG：tateno_saki_official