上星期同大家介紹過號稱「令和最強減り張り（增肌減脂）Body」嘅「辻りりさ」，同時亦提到有另一個寫真女星有個一模一樣嘅「朵」。事實上如果你上網搜尋「令和最強減り張りBody」，第一個顯示嘅結果，其實就係今晚要介紹嘅呢位「澄田綾乃」。至於二人之間邊個先有最完美Body，就等大家睇完圖自行決定啦。

現年26歲嘅「澄田綾乃」曾於高中時遇上交通意外，由於影響到顏面神經，所以有三個月無法做出笑等任何表情。呢段經歷令佢覺得大家都會因為佢嘅笑容而稱讚，所以興起咗擔任幕前嘅念頭。後來嘅佢做過直播主，又參加過女團STU48嘅徵選，最後係移居東京後於原宿街頭被星探發掘，加入五人女團「Wild Bunny」。

2019年時團體登上《週刊Young Jump》拍攝團體寫真，結果「澄田綾乃」除咗衫後嘅身材驚為天人，寫真邀約從此不斷。到2021年時團體重組，「澄田綾乃」更係專心於寫真界發展。

從網上資料黎睇，「澄田綾乃」似乎唔係一個好鍾意健身嘅人，但或者係因為從小同一個哥哥及一個細佬一齊玩嘅關係，「澄田綾乃」身體能力相當好，仲透露自己因為好鍾意爬去高處，所以會沿住水管爬上人哋屋頂。佢頗有肌肉線條嘅身材或者就係咁樣黎。再加上佢傲人到學生時期就吸引到100次告白嘅F Cup身材，確實當得上「令和最強減り張りBody」！

IG：nonnon112620