細個阿媽點解要教你唔好以貌取人？因為一個人嘅好多特質，其實係唔會靠個樣就可以反映到出黎，甚至佢個樣係隱藏咗佢嘅優點。好似今晚要介紹嘅呢位「土田優空」咁，睇佢個樣可能會以為佢只係一個圓臉妹妹，又點會知道佢拍嘅寫真都有啲睇頭呢？

現年20歲嘅「土田優空」出生於日本東京，身為日韓混血兒嘅佢，去年9月出道之後就一直以白滑軟嫩嘅肌膚、充滿親和力嘅圓臉為賣點。但其實佢嘅可愛樣貌之下，仲隱藏咗一副155cm高、36-24-36嘅葫蘆身材。亦係呢副身材，令佢自去年出道起就成為各大青少雜誌嘅寫真新寵，短短大半年間幾乎上過所有大型雜誌，甚至仲參加埋今年嘅「Miss Magazine」，只係入唔到目前進行緊嘅最後16強啫。

有趣嘅係，「土田優空」身上仲有另一樣係睇樣睇唔出嘅，就係原來佢係一個大力士：喺佢官網介紹嘅「特長」一欄中，赫然就寫住「能夠輕鬆拎起雪櫃或洗衣機」一項。你話睇佢有如棉花糖嘅外貌，又點會估到呢？

IG：tsuchidayua_0921