由於參加、或者拎到獎就注定會於未來一段時間頻頻登上該雜誌，所以日本各大出版社舉行嘅寫真選美比賽素來寫真新人爭取曝光嘅大好機會，特別係幾大出版社主辦嘅比賽更係兵家必爭之地。但其實就算冇咁出名嘅比賽，都一樣會吸引到有實力嘅女星參加，甚至更有機會令大家眼前一亮。好似今晚要介紹呢位「吉瀬結」就係啦！

現年30歲嘅「吉瀬結」係一位於去年出道嘅寫真女星。根據網上銷售數據，佢於去年2月推出首隻寫真DVD出道，並於年中開始參加由扶桑社旗下雜誌《週刊SPA!》主辦嘅「Miss SPA!」寫真選美比賽，最終亦成為三位「四化目Miss SPA!」之一。或者係因為出版社之間嘅派別關係，「吉瀬結」並不常見到於其他雜誌之上，但佢一方面非常勤力咁推出寫真DVD，黎緊就已經出到第五隻；另一方面又不停於社交媒體更新靚相，令網絡人氣持續高企。算係成功於寫真界站穩陣腳。

相比起通常都係十八廿二嘅其他寫真選美比賽勝出者，「吉瀬結」雖然已經係個三字頭嘅熟女，但正正就係因為走成熟艷麗風嘅佢定位明確、彌補咗目前市場上嘅缺口，加上傲人嘅H Cup嘅身材，令佢火速俘虜一眾愛好此道嘅紳士。唔知各位又鍾唔鍾意佢呢Type呢？

IG：kichiseyui