一個兩個月大嘅BB可以做到啲咩？除咗食、屙、瞓同喊之外，好似都冇可以做到啦下嘛？但今晚要介紹呢位「加藤綾乃」，就由兩個月大開始就已經於日本演藝界出道，到近年更加成為多才多藝嘅寫真女星添！

黎緊8月即將滿19歲嘅「加藤綾乃」，早於18年前，即係佢兩個月大之時就以手抱嬰兒之姿出演日本NHK教育台嘅節目。到8歲時又成為日本童裝品牌嘅專屬模特兒、走過時裝騷，繼而再成為兒童時尚雜誌嘅模特兒。到佢16時就轉投新經理人公司「Daisy-Bird」，成為公司唯一一名藝人之餘，仲參加埋捧出過無數寫真女星嘅「Miss Magazine」選美比賽，最後仲拎到「審查員特別賞」，並開始以寫真、演員雙重身份活動至今。

而且你唔好睇佢細細個就出道，就以為佢冇咩個人技能呀。根據網上資料，佢唔單止於家人影響下識打高爾夫球，仲有學花道以及Kickboxing，當年參加「Miss Magazine」時嘅表演項目就係拎住自己嘅拳套上台表演添！亦或者係因為有足夠運動，佢先有大家見到嘅呢副好身材咋！

IG：ayanon.kt