雖然做寫真女星好似好風光，但其實唔少女星，特別係直接以寫真DVD出道啦嘅女星，似乎都唔能夠單靠寫真支撐生活，所以唔少人其實都有份正職。而今晚要介紹呢位「空峰凛」就單止就有份頗為特別嘅正職，而且份工仲同佢嘅身材外表幾吻合，因為佢係一個藥物研究員，唔怪得可以迷到大家一陣陣啦！

現年28歲嘅「空峰 凛」於寫真出道似乎係個理科女子，因為佢之前做過化妝品研究開發人員，後來再轉行做藥物研發，後者亦係佢去年1月寫真出道時嘅最大賣點。與此同時，佢接受訪問時指因為受姐姐影響，所以從小佢就鍾意Cosplay，因而習慣穿著露度極高嘅服裝走黎走去；後來仲曾經於秋原葉嘅主題咖啡店工作過，所以對於將自己嘅身材暴露於人前並不陌生，甚至可以話對性感裝束情有獨鍾。所以去年開始推出首隻寫真DVD時嘅尺度就已經非常大膽，封面更係僅以一條絲帶紮住三點，相信就連老司機們睇到都會激動起來。

亦因為有「藥物研究員」呢個特別身份，加上佢本身外表身材都有睇頭，寫真作風又足夠大膽，所以今年4月時成功吸引到《週刊Playboy》嘅寫真邀約，開始踏足雜誌寫真。雖然目前雜誌寫真作品唔算多，但好在佢個IG及X都充滿堪稱「過激」嘅美照，相信大家都會睇食咗迷藥及停唔到啦。

IG：soramine_r