進入日本寫真界嘅賽車女郎不在少數、甚至有個「最強賽車女郎」稱號亦不少見，不過今晚要介紹嘅呢位「木村楓」，就可能係當中最實至名歸嗰個，因為佢真係於雜誌舉行嘅比賽中獲得第一，係真真正正嘅冠軍人馬！

現年26歲嘅「木村楓」擁有日本「保育士教論」證照，但由於擁有168cm身高嘅佢非常鐘意賽車女郎出身嘅寫真女星「林紗久羅」，所以做咗兩年幼稚園老師之後就決定辭職，最後仲真係成功同偶像做到同事。「木村楓」於2023年出道之後人氣就火速攀升，出道首年就贏得日本賽車女郎大賞嘅新人賞，到今年亦已經連續三年成為SUPER GT 500車隊「TGR TEAM SARD」嘅賽車女郎，事業發展相當穩固。

咁點解我話佢係真正嘅冠軍人馬呢？事緣就係《週刊Young Magazine》嘅網站「ヤンマガWeb」定期會進行名叫「ヤンマガ Gリーグ！」嘅票選比賽，簡單黎講就即係每個搵四名屬同一界別嘅日本女星進行網民票選，贏咗嘅與其他月份嘅冠軍爭奪總冠軍。而「木村楓」就於早前嘅「賽車女郎篇」中以270萬票高票勝出！可見佢嘅人氣有幾勁啦！

IG：k._.k5656