雖然話日本年輕女仔入行做寫真女星並不罕見，但其實唔係每個父母都接受自己個女影性感相畀人睇。好似今晚要介紹嘅呢位「西本ヒカル」咁，三年前獨自上京發展演藝事業時就不獲父母支持，更唔好講後來仲走咗去拍寫真。不過「西本ヒカル」嘅努力終有回報，經過多年發展寫真成績越黎越好，甚至連父母都開始支持佢嘅寫真事業，都算係守得雲開囉。

現年26歲嘅「西本ヒカル」出身於熊本縣，因為高中三年級參加咗日本藝能事務Watanabe Entertainment嘅徵選仲拎埋獎，於是高中畢業後就不理家人反對獨自上京，以全額獎學金高材生嘅身份加入公司嘅藝能學校，以第一名畢業後就轉投到另一公司「Navy」準備出道。2020年推出首隻寫真DVD出道，仲有機會出演園子溫執導、Nicolas Cage主演嘅荷里活電影《Prisoners of the Ghostland》（鬼域囚徒），都算係有個好開始。

後來佢一度加入女團「sherbetNEO」，但僅三個月後就退團，演藝事業亦停頓咗兩年。好在2023年時佢加入寫真界著名前輩「熊田曜子」所屬嘅事務所後重新出發，並於往後至今不足三年時間內推出9隻寫真DVD，更多次登上《週刊Playboy》、《週刊Post》等雜誌。近日佢接受訪問時更指，當初唔支持佢上京嘅父母，近來都開始慢慢支持個女嘅事業發展，更會偷偷讚好有關佢嘅報導。而佢嘅最大心願就係為父母帶來一場盛大嘅舞台表現。人哋咁有孝心，我哋一定要支持啦！

IG：hikaru_nishimoto1231