【沒有了ZERO】可口可樂正式停售Coke Zero！？

文：MenClub William
POSTED ON 31 Jul 2017

上星期三，Coca-Cola公司宣佈計劃喺美國地區停售Coke Zero，熱愛可樂又怕肥嘅網民一片哀嚎，紛紛以懷念爺爺的方式紀念Coke Zero。

以為佢因為唔好賣而停售？Coke Zero呢款2005年推出嘅產品，特色在黑色瓶身，標榜「零卡路里、無糖」，不過其實用人工代糖替換糖漿、蔗糖等高熱量糖類。全球銷量每年都有雙位數增長，尤其是歐洲同拉丁美洲。根據官方嘅講法，只係調整市場策略，刺激下消費者喳。


少年你太天真啦，真係相信佢會停售呢款咁好賣嘅飲品？取而代之，新研發嘅Coke Zero Sugar，聲稱會貼近Coca-Cola紅可樂嘅味道，仲會換上新配方，新包裝，新策略。無所謂啦，反正你飲得可樂仲會擔心佢多唔多糖咩？

我淨係記得好多年前安室奈美恵拍嘅廣告，不得了呀當年！