超市內的美式風情

文：MenClub Mean娜　　圖：MenClub
POSTED ON 15 Sep 2014

香港貴為「美食天堂」，說得上咩食物都有得你食，不論係日本嘢、韓國嘢、泰國嘢、越南嘢、美國嘢、英國嘢定意大利嘢Blahblahblah……總之搵食一定冇難度！之不過小編指嘅係餐廳咋～如果你要喺超市搵到道地嘅各國食品，就未必咁容易。
最近屈臣氏集團嘅Super Market「Great」就寄來邀請函，話佢哋將會舉辦美式食品節，場內可以試美酒嚐靚肉，並請來美國駐港總領事夏千福（下圖）出席開幕儀式，小編當然唔會錯過體會「酒池肉林」嘅機會，親身去直擊報道。



Great為「美」食節引入多款美國品牌Anchor Brewing啤酒。Anchor Brewing於1896年喺三藩市創立，以美式傳統手工釀酒術著稱。Anchor Brewing全線啤酒均採用全麥芽漿，以經典銅製設備釀造，可謂非常傳統。Anchor Brewing現已生產超過10款不同特式嘅啤酒，包括酸甜並重的Anchor Porter、辛口沙喉的Liberty Ale等等。


美國人好肉，對肉的要求亦特別高。是次Great引入家庭式農場Mountain States Rosen的Cedar Springs牛膝。Mountain States Rosen於美國有超過45年歷史，所飼養的Cedar Springs牛隻以牛奶餵飼，獲美國農業部推介及得到食品安全品質協會頒發的食品安全證書。廚師為方便忙碌的香港人，事先將牛膝調味，並加入配料一同包裝在真空袋內，以保食物新鮮及肉質嫩滑。

採訪當天廚師Tim更即席運用Great為整香腸特別引入的器材，即場整腸仔。Tim指大部分超市買到嘅腸仔都是現成買回來，但Great的腸仔則是新鮮製造，Tim介紹完馬上示範如何將肉醉變腸仔。期間更介紹Great糕餅區為「美」食節準備了不同口味的美式熱狗，用特選的Johnsonville Brats燒烤肉腸，配上加入鮮橙汁及薑汁的夏威夷風味熱狗包，甚有美國街頭味道。



Great的「美」食節舉辦日期由即日起至10月9日，除了以上介紹的男士之選外，亦有不少美國健康食品石供女士選擇。