早前公佈的上海米芝蓮名單，三星餐廳就有個新名字，Ultraviolet by Paul Pairet。美食界名家普遍認為這是「世界上最前衛的『感官』餐廳」，強調全感官的用餐經驗，係咪好高深？即使高深，即使索價$8888人仔一餐，依家大把人仆住去，甚至要預早三個月先book先到？

餐廳只能通過餐廳官網預訂，沒有其他管道，訂位需俾一半落訂（暫時可預訂日子最早係1月中），客人進入嘅，只係一張10人長枱，每一晚，餐廳就只招待呢 10 個客人，無地址，謝絕私自前往，客人統一集合後自然有車車你去。

為咗製作一個觸發全感官嘅體驗，室內空間設有56個speakers、7個高解像projectors、4個氣味projectors（痴線嫁....），客人享受合共 20 個 course 的菜式，每一個餐點都有相應的畫面、氣味同聲音配合。客人入內就要食足4個鐘，中途會有休息及安排一次參觀廚房，感覺好有參加半日飲食團嘅味道。

餐廳最抵死仲以Ultraviolet （紫外光）嘅不同頻率 UVA、UVB、UVC 作為套餐嘅名稱，所以呢間咁avant-grand 前衛嘅概念餐廳，獲奬無收，亦曾多次入選 The World 50 Best Restaurants，到底係點？老實講你要試過先知啦......（俾咗$4444人仔落訂先啦！）

https://uvbypp.cc