情迷中環探戈夢

文：MenClub Mean娜　　圖：MenClub
POSTED ON 04 Nov 2014

香港雖然貴為美食天堂，但大家食嚟食去都係日本嘢、美國嘢、中國嘢、泰國嘢同埋近年流行嘅韓國嘢等等，然後就話香港冇嘢好食，哎呀！少年呀！其實係你唔識食就真啦！明明香港就有晒各國美食，只要你肯搵，總有特別嘅餐廳喺你左近。就好似阿根廷嘅美食咁，你哋又有冇食過先？ Mean娜自己就第一次食阿根廷嘢，講起阿根廷，其實我就咩都唔知嘅，只知道「Tango」(探戈)呢種流行於國際嘅雙人舞蹈，係源於阿根廷(咦？你唔知呀？原來朕都幾叻叻豬喎！)而位於中環嘅「Tango Argentinian Steak House」正正用呢種咁有代表性嘅「Tango」舞蹈，作為餐廳主題。偌大嘅「Tango Argentinian Steak House」以木地板、木枱及木椅等深啡木色作為主調，牆上的假磚頭甚有外國小屋感覺，增添傳統格調。


餐廳牆上貼上阿根廷舊電影海報並畫上「Tango」主題的畫作，令餐廳更有異國氣氛。



「Tango Argentinian Steak House」雖然走復古休閒路線，但在佈置上別有心思，例如餐具圍著的吊燈，以及玻璃杯罩著的吊燈，都帶出型格時尚的味道。






阿根廷菜式深受歐陸美食風格影響，口味樸實簡單，而且崇尚天然味道。「Tango Argentinian Steak House」備有經典的阿根廷菜式，例如阿根廷香橙醃海鮮(Ceviche)。 Mean娜便品嚐了其中兩款Ceviche，首先是「Blue Fin Tuna and Avocado」


這道菜式以藍鰭吞拿刺身為主，加上青檸汁、辣椒、麵豉、橄欖油等等醃製，酸酸的非常開胃，而且更能突出吞拿魚的獨特味道，爽口的青瓜亦中和了吞拿魚的豐腴感覺。接著是「King Fish Tiradito」，同樣以魚肉作為刺身，加上青檸汁、辣椒、洋蔥、香草等配料醃製，一樣清爽開胃，但King Fish比吞拿口感更爽更彈牙，而且味道較淡，與青檸汁配搭在一起，感覺更為清新。


到「Tango Argentinian Steak House」必定要試牛扒，因為阿根廷的牛肉質素甚高。由於阿根廷人喜歡吃牛，平均一年一個成年人會吃大約150kg的牛肉，所以他們對牛肉需求非常大，也重視牛肉質素。阿根廷的牛大部分都是通山走的草飼牛，因此脂肪較少，肌肉較發達、結實，而且牛味香濃，同時阿根廷很少出口牛肉，所以當地的牛肉顯得份外矜貴。「Tango Argentinian Steak House」並設有一座傳統Parrilla烤爐，以烤炙優質牛扒。餐廳內所用的牛肉，全是來自草飼阿根廷牛，Mean娜便試了「Ribeye」


「Ribeye」煎得剛剛好，外脆內嫰，牛肉內裡呈漂亮的粉紅色，非常Juicy，而且肉質鬆化，牛味香濃，簡單烤一烤已非常好吃。另外配有6種醬汁，分別是Chimichurri、Criolla、Spicy Tomato、Dijon Mustard、Grained、Mustard及Horseradish。每款都各有特色，Mean娜個人最愛Chimichurri，即係阿根廷香草醬，酸酸辣辣味道非常特別。


烤牛扒的配菜是「"Humita" Creamy Sweet Corn」，係阿根廷北部傳統菜式，用蔥、辣椒、牛油、忌廉、胡椒、香草烹調而成。粟米伴著忌廉非常Creamy，有趣的是，呢道菜式帶有印度色彩，有微微印度香料味道。

來自阿根廷的主廚Martin表示，「Banana con Dulce de Leche」呢種甜品，佢細細個已經成日食。小時候，Martin媽咪會將焦糖塗上香蕉上，作為Martin的點心。而呢款甜品正正由阿根廷傳統小吃演變出來，將牛油及糖攪拌2小時，造成Home made 焦糖，然後整成蛋糕，上面加上Home made香蕉雪糕，就成了充滿阿根廷風味的甜品。

焦糖蛋糕甜蜜又有點黐牙，配合有點生香蕉微酸嘅香蕉雪糕，味道更立體！Mean娜唔太好香蕉嘅人都喜歡呢款咁清新嘅甜品。另外「Tango Argentinian Steak House」藏有大量阿根廷、西班牙及意大利葡萄美酒，愛酒人士不妨小酌一杯阿根廷的味道。

地址︰中環雲咸街77號嘉兆商業大廈1樓電話︰2525 5808 營業時間︰星期一至日: 12:00 - 15:00, 18:00 - 23:00 價錢︰$401-$800 網址︰http://www.diningconcepts.com/Tango_Argentinian/index.php