我唔知你幾耐先會去一次海洋公園，生日？去哈佬喂？唔講唔覺，海洋公園旁邊嘅酒店，香港海洋公園萬豪酒店終於起好，正式開幕。趁未俾大陸人攻陷之前，去睇去瞓點都好啦。

同海洋公園只有一橋之隔，成間海洋公園萬豪酒店，在設計和規劃上都以海洋為主題，設有3座建築-Pier Wing (海岸)、Club Wing(海殿)以及Marina Wing (海灣)，共471間豪華客房及套房，其中Pier Wing (海岸)以及 Marina Wing (海灣) 由知名建築公司凱達環球（Aedas）設計，並提供三款主題客房 (威威潛艇、包包天地、小紅熊森林)，明顯就係為一家大細設計，而Club Wing(海殿)就是主打商務客。

不過暫時只開放「Marina Wing」，提供164間客房，最早只可以網上預約11月13日後的客房。其餘2座預計明年初前落成並正式開放。

酒店共設4間餐廳及酒吧，提供各類型餐飲體驗，包括Pier酒廊及酒吧、提供全天候自助餐的「海灣餐廳」、供應地道廣東美饌，並以順德菜為主打的「南海小館」，以及呈獻經典美食的傳統美式扒房「Prohibition扒房•酒吧」。所有餐廳均按照世界自然基金會指引，選用可持續發展的海產，及從認證的供應商取得本地養殖的海產。部分餐廳亦設有礁湖主題游泳池景緻的戶外用餐區。

海洋公園同酒店亦有推出幾款套票，以2位成人計，最平一款$2700起住宿一晚包早餐，仲有海洋公園一日門票等，最貴一款就$3940，一家四口兩大兩小啱晒。

酒店中央位置設有以礁湖為主題的戶外游泳池。

最受觸目的16米高水族館將在明年初啟用。

豪華客房 – 雙人床

尊貴客房 – 特大床

香港海洋公園 - 海洋公園萬豪酒店

地址：香港仔黃竹坑道一百八十號

網址：https://www.oceanpark.com.hk/tc/hotels/hong-kong-ocean-park-marriott-hotel