不時去到有級數的餐廳，一坐好就會收到兩份 menu，然後點好餸菜後侍應就會問：「需唔需要叫啲酒？」，然後坐對面的女伴就用熱切的目光望著你，滿心期盼地唸：「交俾你啦！」；又或者，去到了一間氛圍不錯的酒吧，打開 drink list，同行女伴就表示：「幫我叫杯好飲就得架啦！」。此時此刻，你已經毫無退路，問人有什麼推薦又好像不夠型，亂叫又怕失禮，面對如此困局又應該怎樣拆解？

想在外面準確而有型地叫酒始終需要一定經驗和認知，但若果沒有太多時間去由零開始，不妨利用幾個小竅門。

口味

無錯，又是口味，點酒必須要合口味，才可以帶來最好的享受。走進餐廳或飲一杯前可以找機會問對方，平日究竟喜歡飲什麼類型的酒甚至飲料，就是成功的第一步，而且對方亦會感覺你夠細心。

紅酒

其實絕大部分紅酒是乾口（dry）無甜的，所以對方表示平日喜歡飲「較甜」的紅酒，大多是指想飲果香較多（fruity）的類型。而想進一步了解對方口味，可以問想飲 Fruity、Dry、Acidic（較酸）還是較濃（Rich）或者較薄身（Soft）。以下是基本的 By Glass 常見種類和推薦。

Fruity 類：澳洲 Shiraz、美國 Zinfandel、美國 Cabernet Sauvignon（Cab） / Merlot、意大利 Dolcetto；
Dry 類：法國 Bordeaux、意大利 Barbera、西班牙 Tempranillo、智利 Cab / Carmenere；
高酸類：意大利 Nebbiolo、意大利 Chianti / Sangiovese；
濃厚類：阿根廷 Malbec、澳洲 Cab / Shiraz、美國 Cab；
薄身類：Pinot Noir

白酒

白酒就有分幾種甜度，品酒術語上分為 Dry、Off-Dry（半乾微甜）、Medium（稍甜），Sweet 以上就可以當作是 Dessert Wine 了。為女方叫白酒，有幾款是穩穩陣陣的，可以多加留意。

清爽類：意大利 Pinot Grigio、意大利 Soave、紐西蘭 Sauvignon Blanc
Dry 類：美國 Chardonnay、紐西蘭和法國 Riesling
Off-Dry 類：德國 Riesling（寫有 Half-trocken、Kabinet、Spatlese 通常都是微甜）、美國 White Zinfandel（有時可以去到稍甜）
Medium：意大利 Moscato d'Asti

價錢

聽說有人叫 By Glass 會叫比最平那一款貴多一點點、或者中間價位的，認為最穩陣。其實這樣也不算是有問題，只不過如之前提過：不要否定酒的可能性。貴不一定合口味，平不一定很難喝，加上酒是經過餐廳精心挑選的，如果可以叫一杯不貴而又好飲，保住荷包之餘又可以表現自己。

有型地求救

好啦，去到埋位一刻發現完全唔記得上面睇過咩？不緊要，如果你至少有做到第 1 點，深呼吸，鎮定地表示「唔該我想搵一搵 sommelier（侍酒師，可以簡稱 somm） 」，無的話就直接找侍應即可，然後問「依位小姐鍾意____類型既酒，味道大概_____，唔知你有冇咩推薦？」他們一定樂意幫忙。They are paid for that！

雖然你將一部分舞台交左俾人，但前面做得足，你的從容自若、風度翩翩依舊無損，甚至大有加分。

以上建議叫一支支 By Bottle 都可以用上。兄弟，祝你好運！