{ SKIP }
文:MenClub 魏文青  
POSTED ON 17 Jun 2020

呢啲咁嘅天氣,離開冷氣房行出街食Lunch係一件需要勇氣嘅事,出完去返黎真係要即刻開返罐「咔嚓叭~~ (開罐聲)」嘅凍飲先可以冷靜落黎繼續扮工。但如果普通汽水凍飲已經滿足唔到你,咁你就要試下不同品牌近期不約而同推出嘅新飲品啦!

圖片:CocaCola提供

可口可樂新出「啡樂」

作為一個將可樂當水飲嘅人,我對紅色可樂絕對稱得上係忠誠勇毅,無論佢之前出過咩銀色可樂、黑色可樂、白色可樂,對我黎講通通都只係東施效顰,眼尾都唔會望佢哋 (個人意見呀下)。但最新出嘅可口可樂咖啡汽水,唔單止個啞面黑色細身罐幾靚仔,飲落既保留可樂嘅爽快,同時又有巴西咖啡豆香及朱古力或焦糖味道,感覺同曾經風靡一時嘅忌廉味可樂頗為神似,個人認為係目前最討好同時又最有特色嘅「亞種可樂」。

最重要係佢零糖零卡路里,飲落去個心力壓力少好多嘛!

圖片:7-Eleven 提供

嘉士伯 x 7-Eleven 三隻新味

OKOK,你嫌可樂、咖啡唔係男人係咪?咁你就可以試試嘉士伯推出嘅三款啤酒。Elephant Strong睇個名好似同泰國有關係,但其實個名係來自丹麥嘉士伯大閘前嘅兩隻大象雕像,之於「Strong」就係指佢比起一般啤酒濃度更高,淺金黃色酒液帶淡淡焦糖味,平衡啤酒嘅苦味。而EXPORT就係用丹麥原創釀造方法整嘅Larger,帶濃厚麥味名獨特苦味;UNFILTERED顧名意義就係未經過濾,換言之酒液保留更多啤酒花香及麥芽甜。

值得一提嘅係呢三隻限定新款只會喺愉景灣嘅「7-Eleven X 嘉士伯概念店發售」,未來亦會引入更多特色啤酒。

喺未有各種多媒體娛樂嘅年代,一男一女瞓喺同一張床到可以做啲咩?做愛囉!但自從電視、電腦甚至電話都有無限咁多嘢睇嘅時候,情侶同床瞓覺各自修行嘅情況就變得越黎越嚴重,根據英國一個研究,大家沉迷使用電話嘅習 ...
gourmet
【兩性】想要良好性生活 戒J不如戒電話
22 Jan 2021
一人燒肉咁就唔怕交叉感染啦!
gourmet
【美食】香港首間東京一人燒肉專門店「燒肉LIKE」落戶沙田
05 Jan 2021