尋日向大家介紹完帝京酒店嘅賀年糕點，今日就同大家介紹埋帝京酒店嘅賀年菜，啱心水的話，拎完年糕跟手就同親戚一齊食埋飯，既方便又快捷！

新春期間，帝京酒店嘅「花月庭」就有「尋找太平洋．海鮮自助晚餐」主題buffet，更會特意炮製各款特色賀歲佳餚，等你可以又食賀年菜又食自助餐，唔會咁Dry。

先介紹一下新年期間推出嘅賀年菜。

「風生水起」︰「撈起」係星馬傳統賀年食品改良版，用上烏冬底、三文魚、壽司蛋絲及海帶等等材料；醬汁方面則由芝麻醬、自家製麻醬、麻油、日本醬菜及木魚粉製成，食落有陣陣麻香及魚香味。而「風生水起」同時寓意新一年愈「撈」愈旺。

是次「尋找太平洋．海鮮自助晚餐」選用多款珍貴太平洋海鮮，包括肉厚鮮甜的彩虹魚、爽口彈牙的太平洋海蝦、細嫩豐腴的鱈魚、鮮味十足的沙甸魚，以及無限量供應的招牌菜火炙開邊龍蝦及即開生蠔。

「火炙蟹籽忌廉汁波士頓龍蝦」︰咸香惹味的蟹籽，加入忌廉汁內。先將原隻開邊龍蝦放入焗爐輕烤三分鐘，再塗上蟹籽忌廉汁，用火鎗火炙，讓蟹籽及忌廉汁的香氣均勻滲透入龍蝦之中。