{ SKIP }
文:MenClub 魏文青  
POSTED ON 30 Sep 2020

中華傳說中嘅「蓬萊山」乃係神仙居住嘅地方,相傳秦始皇、漢武帝都派人去蓬萊山求仙訪藥,亦係「八仙過海」故事發生嘅地方,咁神仙屋企我哋呢啲凡人就緊係去唔到,但喺中環交易廣場黎緊都會有個一樣咁難搵嘅「蓬萊山」,就係快閃中菜廳「888」。

新聞稿就話,如果各位想進入「888」就必須要先搵到一名白衣女子,由佢帶領下穿過隱秘入口,先去到以純白裝潢再加金黃樓閣宮闕嘅「蓬萊山」。回到現實,「888」其實就係一間位於「紫玉蘭」內嘅快閃餐廳,由入行超過二十年嘅主廚黃漢強操刀,再加Grassroots Initiatives創辦人兼女主廚Peggy Chan作素菜顧問,提供多款南北菜系菜色。當中包括貴州特色前菜「貴州泡椒蓮藕」、13種材料慢火熬煮的「養生老火素湯」、向避風塘做法借鑑嘅「黑金蒜蒸蟶子皇」、深受清朝乾隆皇帝喜愛嘅河南名菜「河南炸八塊」等特色美食。而當客人按下「不醉無歸」按鈕之時,就可以點選各式飲料。

貴州泡椒蓮藕

養生老火素湯

黑金蒜蒸蟶子皇

河南炸八塊

「888」將於10月15日至12月5日開業,提供嘗味套餐 (HK$888/位,兩位起),連同白酒試飲拼盤或兩杯自選雞尾酒。午市方面,餐廳亦會提供特色粉麵餐牌。

888

地址:中環干諾道中8號交易廣場1期4樓402號舖

營業時間:星期一至日 11:30-2:30pm,6:00-8:30pm、8:30-11:00pm

對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023