晚市堂食目前禁到12月24日，換言之大家聖誕基本上都冇得出街食飯。往好處諗就當然係大條道理唔食勁貴嘅聖誕大餐，唔好處就係喺屋企都唔知食乜！如果你諗住係打個邊爐或者燒個肉呢，就可以去睇下營火食品推出嘅「皇牌肉禮盒」啦。

「聖誕皇牌牛肉五重奏」

「 聖誕萬肉歡騰禮盒」

圖片：營火食品

於全港有多間實體分店嘅營火早前推出副線「DSPARK」，主打精品超市，提供高水準嘅食材、買返屋企簡單處理就食得嘅「Ready-To-Eat」即食餸包等。同時營火亦推出「聖誕皇牌牛肉五重奏」及「 聖誕萬肉歡騰禮盒」，前者係純牛肉組合，當中包括來自美國CAB黑安格斯牛仔骨、處於骨與骨之間嘅鮮嫩肉部「極上神秘金三角」、亦有牛舌、美國頂級PRIME安格斯肥牛、美國頂級牛頸脊肥牛等牛肉，一盒HK$288，有500-600g牛肉。

而「 聖誕萬肉歡騰禮盒」就係牛肉及豚肉嘅組合，平少少HK$228啫。

圖片：營火食品

兩款禮盒只限DSPARK門市，或營火網店有售。當然營火本身都仲有其他火鍋、燒肉食材，如果你用出去食聖誕大餐舊錢掉落去買料返屋企，你係韋小寶有7個老婆都食得飽呀！