{ SKIP }
文:MenClub 魏文青  
POSTED ON 08 Apr 2021

如果你要喺香港開一間每位過千嘅高級餐廳,好理所當然地你就會揀開喺尖沙咀、中環、灣仔、銅鑼灣等「傳統高級餐廳地區」。但由前日本註美國領事主廚、曾為「山下」主理鐵板燒料理嘅三原光史先生就令人估唔到地,將其新開嘅「三原鐵板燒」開喺將軍澳,更令人估唔到嘅係,自二月開業以黎主要靠街坊客都日日滿座,一方面證明將軍澳有好多有錢人,另一方面亦證明餐廳嘅食物水準經得起考驗。

「三原鐵板燒」創辦人三原光史先生係一位喺香港住咗十幾年嘅日本人,據說能操流利廣東話,可能就係對香港有深入了解,所以當佢開設「三原鐵板燒」嘅時候就選擇避開鬧市,而去到將軍澳住宅The Parkside一個唔算顯眼,甚至有啲難搵嘅位置開店。即便如此,「三原鐵板燒」卻憑食物質素說服附近街坊踢住拖去食高級鐵板燒。餐廳「名物」係三原先生拿手、需要提前預約嘅「鹽釜燒」,以類似焢窯方法將青森縣鮑魚、南非鮑魚、挪威長腳蟹等高質海鮮燜熟並鎖住鮮味,再於客人面前敲開外層的北海道海鹽殼,釋放食材鮮味。

另一推介菜色為「香煎鰻魚伴軟滑鵝肝」,據餐廳負責人說,三原先生認為只有鰻魚太單調、只有鵝肝又有啲膩,兩隻相加再加黑醋就達到完美平衡。

青森鮑魚

北海道帶子

西澳洲龍蝦

店內其他食材亦全部「有名有姓」,包括由註日本團隊每日採購自大善豐州市場百年老店,再空運抵港嘅吞拿魚丶北海道帶子丶生蠔,以及被美譽為「海中紅寶石」的「北海道喜之次」;來自地球另一邊嘅加拿大龍蝦及西澳洲龍蝦;長期力壓神戶牛及松板牛成為「和牛冠軍」的宮崎A4和牛,其中配以壽喜燒醬汁的「黑毛和牛西冷薄燒」亦是店內著名菜色之一。

宮崎A4和牛西冷

甘鯛

去得呢種餐廳,當然要帶埋情人或者女伴一齊,而帶得女仔去,就冇理由唔食甜品。三原鐵板燒除咗有自家雪糕,亦配上「夏威夷果仁醬」丶「香蕉朱古力配海鹽焦糖醬」丶「士多啤梨抹茶紅豆蓉」、「提拉米蘇」等不同口味嘅鐵板班戟,亦有需要提前一日預約的「梳乎厘班戟」,絕對能滿足女生的第二個胃。

朱古力香蕉海鹽焦糖班戟

士多啤喱抹茶班戟

提拉米蘇班戟

「三原鐵板燒」

地址:新界將軍澳唐俊街18號The Parkside第一座地下G06號舖

營業時間:中午12時至下午3時、下午6時至淩晨12時

電話:(852)3618-8212

Facebook: www.facebook.com/teppanyaki.mihara/

Instagram: www.instagram.com/teppanyaki.mihara/

上年因疫情而停辦嘅飲食界盛事「世界50最佳餐廳(The World 's 50 Best Restaurants)」終於返嚟啦!今年頭兩名皆由丹麥奪得,分別係米芝蓮三星餐廳Noma及Geranium,第三名為西班牙餐廳Asador Etxebarri。至於亞洲方 ...
gourmet
【美食】「世界50最佳餐廳」名單出爐 香港大班樓躋身前十
07 Oct 2021
近年深受香港人歡迎嘅DON DON DONKI又再擴大版圖,但今次就唔係開新分店,而係進軍飲食界開餐廳!今日DONKI宣布,將於10月29日喺荃灣海之戀商場開設全球首間迴轉壽司專門店「鮮選壽司 海之戀店」,大家準備好排隊未 ...
gourmet
【飲食】DONKI開全球首間迴轉壽司店 10月底落戶荃灣海之戀商場
30 Sep 2021