{ SKIP }
文:MenClub 魏文青  
POSTED ON 02 Dec 2021

熟成牛肉近年大家聽過唔少,但來自日本嘅「雪室熟成和牛」大家又有冇試過?灣仔近日新開嘅法日扒房「BIFTECK」就引入香港少見、來自日本新潟縣嘅「日本A5雪室熟成和牛」,為愛牛者提供更多選擇。

「日本A5室熟成和牛」(時價)

日本慢煮 A5 和牛臀肉伴和牛清湯  (HK$438元)

火炙 A5 和牛及西班牙紅蝦卷伴龍蝦啫喱

「澳洲黑安格斯紅屋牛扒」(HK$150元/100g,最少1,100g)

BIFTECK是銅鑼灣法日料理食府Le Reve嘅姊妹店,由曾效力於法日料理店Takumi丶時尚意大利餐廳CIAK丶中環人氣扒房Beef Bar及法式名店VEA等嘅行政總廚Ken Kwok主理,以不同國家出產的肉類及部位,搭配相應的醬汁及配料,展現肉食的獨特味道,其中就有「日本A5雪室熟成和牛」。所謂雪室熟成其實係日本當地有200年歷史嘅熟成技術,以天然白雪覆蓋熟成室,令溫度保持於1-2度、濕度保持於90%,令牛肉熟成之餘亦保留濕度,以得出肉質細緻、味道更濃嘅熟成牛。

除雪室熟成和牛外,店內亦提供「日本A5神戶酒粕牛柳」、「澳洲黑安格斯紅屋牛扒」、「比利時藍牛乾式熟成35日西冷」、「澳洲純種和牛腰肉」等多款牛肉菜色。

西班牙紅蝦烏冬 (HK$448)

焙茶提拉米蘇 (HK$78)

咁當然,除咗各款牛肉之外,店內亦提供不同主菜可供選擇。例如配搭洋蔥薄荷汁解油膩嘅「慢煮法國鴨胸」、於客人面前即拆紅蝦頭蝦膏嘅「西班牙紅蝦烏冬」、以茴香牛油調味嘅「烤波士頓龍蝦」等。前菜方面亦有法國或日本生蠔、「火炙A5和牛及西班牙紅蝦卷」、「招牌阿拉斯加蟹肉牛油軟包」等。甜品方面就以日本食材配上法式處理,造出味道新穎嘅「烤菠蘿伴山葵雪葩」、又或茶香濃郁嘅「焙茶提拉米蘇」等。

BIFTECK將於2021年12月24日丶25日及31日期間限定推出「六道菜廚師發辦菜單」,定價為每位港幣1,280元 (加一),套餐包括前菜丶主食及甜點;精選食材包括「30日熟成日本 A5 神戶酒粕西冷」及「日本A5雪室熟成和牛」等。打算聖誕食餐好嘅,不妨可以考慮下。

BIFTECK

地址:香港灣仔皇后大道東202號QRE Plaza 23樓

營業時間:中午12時至下午3時及下午6時至10時

位於丹麥哥本哈根,由主廚Ren Redzepi創立嘅高級餐廳Noma,除咗係世界少數嘅米芝蓮三星級餐廳外,更曾經破紀錄地5次登上「世界50大餐廳」嘅榜首位置,話Noma係世界上最好嘅餐廳大概不為過。但近日Ren Redzepi就宣佈 ...
gourmet
【飲食】世界最佳餐廳Noma宣佈2024結業 揭示高級餐廳的最大弊病
11 Jan 2023
由太古坊主辦嘅「糖廠街市集」,近年發展成填飽一眾「太古人」嘅美食熱點,亦會定期舉行美食活動,而由下星期起,市集將會再次舉行啤酒節,搵黎14 個本地人氣手工啤酒品牌、每個品牌提供五款啤酒,換言之場內將會有 ...
gourmet
【本地美食】70款本地啤配各國美食 糖廠街市集啤酒節下週開幕
14 Oct 2022