- SITE MAP
- |
- CONTACT US
- |
- ADVERTISING
- |
- PRIVACY
- |
- MOBILE
- |
- RSS
係女人都鍾意浪漫,有「水都」之稱的威尼斯,可算是歐洲其中一個浪漫城市。 暫時無長假又或你未儲夠彈藥陪女友去威尼斯,唔緊要,但點都要做啲行動,令佢覺得你冇將呢個旅行計劃放埋一邊,講完就算。 其實,星期六、日可以去澳門威尼斯人(The Venetian Macao)。睇吓拱橋、小運河、石板路,你有盡過力,佢唔會唔知。咁如果你連「過大海」都嫌麻煩,OK!留番喺香港都得。 香港成日話乜都有得食,不乏意大利餐廳。不過,以威尼斯做主題的,SEPA: Bacaro Veneziano算係第一間。唔駛怕暈船浪,喺中環半山都可feel吓威尼斯究竟係點。 | |
灰白石牆襯托藍綠色的門窗,幾有意大利東北部小店味道,開門入去望吓先 | |
SEPA: Bacaro Veneziano係香港首間威尼斯主題餐廳,SEPA於威尼斯方言中解作墨魚。威尼斯被運河包圍,所以水產特別豐富。墨魚作為當地及香港其中一種受歡迎的食材,間接連繫兩地飲食文化。 餐廳為了讓客人體驗威尼斯文化,設計方面幾細心,例如SEPA標誌的字體,參照自目前威尼斯街道及地址的字形,A字的字款靈感來自墨魚鬚,夠晒多故仔。 | |
A字尾端似唔似墨魚觸鬚?唔講唔覺,望真啲,就覺得好似 | |
甫入餐廳,見到許多威尼斯傳統建築及特色設計。例如由Bluemoon Venice生產的威尼斯面具,該公司專門生產威尼斯著名的紙漿面具,過去五份一世紀致力推廣及製作這門傳統工藝,在威尼斯地區非常 具代表性。 | |
紙漿面具 | |
橙黃色燈光襯托著金色面具,非常華麗 | |
餐桌及座椅亦充滿威尼斯特色,餐桌形狀以釣魚浮標為概念,分幾種顏色。灰色的分隔線代表威尼斯的水印,藍色則代表湖水,棕色是大地,表達了威尼斯獨特的地理環境。 | |
木製的餐桌就好似浮在水上的小木船 | |
餐桌底下分3種顏色,營造建築物浸在水裡的感覺 | |
SEPA的酒架亦是特別打造。酒架以常用於威尼斯繫泊處的le bricole(焊鍋)為靈感,由工人親自手繪金色桿。 | |
金屬桿由人手親自上色,好精緻 | |
SEPA: Bacaro Veneziano基本上可分為3區,酒吧區、陽台區以及室外區。 | |
酒吧區有長長的雲石Bar枱區域,約可容納12人 | |
要到樓上的陽台,必先穿過這條狹長樓梯 | |
陽台區域主要接待已訂位的客人,雖然要行樓梯,但上到去,觀景好特別 | |
戶外區雖然只能容納16人,但勝在清靜,同朋友偈密計一流 | |
SEPA請來意大利最年輕的米芝蓮二星名廚Enrico Bartolini主理菜式,話明威尼斯餐廳,菜式當然以威尼斯飲食文化為主,再加插Enrico Bartolini的設計菜。 | |
意式鱸魚刺身配意大利青瓜、薄荷及檸檬汁(Seabass Carpaccio with Zucchini, Mint and Lemon) 鱸魚刺身非常爽滑,加上清新的薄荷及檸檬汁,酸酸甜甜非常開胃。 | |
香煎牛骨髓配燒牛膝肉汁(Bone Marrow with Saffron Risotto-Cracker) 牛味非常香濃,牛骨髓充滿了油脂,口感豐厚,入口即溶。 | |
小牛舌配黃芥末及莎莎醬Bomba包(Veal Tongue with Mustard, and Salsa Verde ‘Bomba’) Bomba是威尼斯常見的菜式,從麵粉至調味料,SEPA都採用意大利出品的食材,原汁原味。 | |
SEPA招牌汁煮墨魚(SEPA) 墨魚味道突出,十分鮮甜;白色的薯蓉打得幼細,食落Creamy,不會有渣,推介! | |
Rosemary Spritz 味道偏甜,有點果汁味,適合怕酒味嗆喉的女士。 | |
Gran Classico Negroni 帶有點點橙皮的香氣,同時味道偏苦澀,酒味甚重。 | |
SEPA: Bacaro Veneziano餐廳有一個背景故事,來自意大利一位著名喜劇大師Carlo Goldoni的作品。Carlo Goldoni1743年創The Servant of Two Masters故事,講述可歌可泣的愛情故事,而主角就是以下四位人物。邊有女人對愛情故事唔心動? | |
SEPA: Bacaro Veneziano | |
地址︰中環半山堅道61號 |