Dan Ryan's Chicago Grill喺香港屹立26年，可謂美國菜經典中的經典，咁老牌子，相信唔使Mean娜多介紹，都大把人識佢。

今次重提，事源有次Mean娜與朋友路經尖沙咀海運大廈，發覺Dan Ryan強勢回歸。唔講唔知，雖然Dan Ryan喺海港城開了很久，但大約2年前，集團決定以Lucques tavern品牌開拓其他餐飲路線，Lucques tavern以南加洲菜為主打，雖然頗為特別，可惜市場似乎不太接受。於是現在，決定海運大廈重開Dan Ryan！

Mean娜同朋友見Dan Ryan回來，決定入去食餐勁。盡管Dan Ryan是歷史悠久，但原來大家都未必知道，它的Signature Dish是哪幾款，只能靠開飯網的招牌菜一欄，略知一二。

喂！原來你哋都叫錯晒！Dan Ryan的招牌菜係_______________至真！今次Mean娜就搵來Dan Ryan的大廚，話過你知邊啲係真正推介！

強勢回歸的Dan Ryan's Chicago Grill座落於人來人往的尖沙咀海運大廈，位置非常方便。

Potato Skins焗薯皮（$115）

薯皮採用美國西北部愛達荷州的馬鈴薯，加上威斯康辛州芝士及煙肉粒一齊焗，非常香口，芝士味亦唔會太濃，沾上凍凍地的Sour cream，既可減低油膩感，又可加添幼滑口感。

Buffalo Chicken Wings紐約辣雞翼（$138）

雞翼燒得剛剛好，能夠保持肉汁。酸酸甜甜的醬汁非常開胃而且入味，略帶辛辣味道更覺惹味。西芹配上秘製藍芝士醬，可以中和雞翼濃郁的醬汁味道。

Cheeseburger芝士漢堡包（$158）

漢堡中間的手打牛肉非常厚身，而且肉汁豐富，牛味香濃。加上車打芝士令牛肉多了一份濕潤感覺，令漢堡包的味道更豐富。薯條炸得香脆不油膩，Coleslaw和醃製青瓜酸酸甜甜，非常開胃。

Baby Back Ribs烤美國豬排骨（全份$338）

用上美國入口的豬排骨，塗上香辣粉後，以焗爐低溫慢烤，配上秘製BBQ醬汁，惹味濃郁，煙燻味亦很重。豬排骨肉質肥瘦適中，肉質帶有口感，吃起來皮薄又帶香脆。

地址︰尖沙咀廣東道17號海港城海運大廈3樓OT315號舖
電話︰2735 6111
營業時間︰星期一至星期五：11:00-00:00; 星期六, 日及公眾假期: 10:00-00:00
價錢︰$101-$200
網址︰http://www.danryans.com/dans/