一到夏天，日本就有好多祭典。祭典除咗可以著浴衣、玩攤位遊戲、睇煙花之外，最令人興奮嘅莫過於攤販小食！睇卡通片最常見到祭典賣章魚小丸子、蘋果糖、烤魷魚、棉花糖等等，呢啲都係基本嘢，最近日本祭典中，就爆出一款新小食，非常受歡迎！

呢種新小食就係「麻糬熱狗」「キャンドルボーイ（Candle Boy）」，最早係由栃木縣一間和菓子店發售，佢係用年糕包住法蘭克福熱狗，然後再用油炸，最後沾番茄醬或砂糖醬油食。