女僕Cafe一向主打萌萌又乖巧聽話嘅美少女，唔少男士尤其係小毒毒都非常受落，所以女僕Cafe都興咗好多年，特別係喺充斥小毒毒嘅日本秋葉原，女僕Cafe可以話係隨處可見。不過女僕Cafe都發展咗一段長時間，已經歷許多演變，甚至出埋偽娘版女僕Cafe，仲有咩新嘢玩呢？

最近秋葉原就開咗一間聲稱「日本第一家」嘅XX女僕Cafe，會給予男士新嘅體驗，以母性爆棚嘅療癒效果擄獲人心！提到母性，自然就諗起乳房，仲要母性爆棚嗰隻，仲唔係Sell巨乳？！係呀，呢間新嘅女僕Cafe個個女僕都「波濤胸湧」，仲份量十足添！因為呢間就係以胖胖女為主打嘅胖胖女僕Cafe～

呢間胖胖女僕Cafe叫「ムチぽちゃメイドカフェ&バーShangrila」，聽聞今年11月尾會正式開幕，目前已經開始為期3星期嘅試賣期。

目前試業期間店內都會維持有4至5位肉肉女僕為大家服務，正式開業之後都會有愈來愈多女僕加入，鍾意肉肉女就萬勿錯過！

講多無謂，睇女最實際！不過以下圖片唔係人人啱睇，如果閣下自問堅怕肥，咁可以直接Skip咗佢。