好多人都話牛肉好毒，唔好食咁多。不過Mean娜作為一個牛魔王，叫我忍口唔食牛，同叫個男人忍手唔打飛機簡直係一Q樣！你諗下！叫你唔打飛機喎！咁痛苦，點忍呀？忍唔到咁點算呀？咪就係「Just do it！」丁照打，牛照食囉！

雖然Mean娜好鍾意食牛，奈何我係個死窮鬼，食嚟食去都係PK超級市場嘅平價牛牛，所以我每次都好珍惜餐廳採訪時遇見嘅貴牛，如果可以，直頭想打包佢返屋企慢慢嘆。至於自己出錢食過最貴嘅牛，都只係一小片(真係好小片)普通和牛，仲要同男朋友分一半嚟食，真係嗚呼哀哉！

星爺都有講過︰「做人冇夢想，同條咸魚有咩分別？」所以由今日開始，Mean娜要向大家宣佈︰「I have a dream，就係要食到全世界最貴牛扒！